Үтүө күнүнэн, күндү ааҕааччыларбыт!. Бүгүн Сунтаар киин бибилэтиэкэтигэр Зинаида Игнатьева бэлэхтээбит кинигэлэрин билиһиннэрэбит.
Игнатьева Зинаида Ивановна 1953 сыллаахха Сунтаар улууһугар, Сунтаар сэлиэнньэтигэр төрөөбүтэ. Биэс оҕо ийэтэ,сиэн эбээтэ. Сунтаарга Пионер дьиэтигэр методистаабыта, Куокунуга учууталлаабыта, Дьокуускайдааҕы государственнай университет иностраннай тыл факультетын бүтэрэн баран 3 сыл Дьокуускай куоракка 7-ис оскуолаҕа пионербаһаатайдаабыта, онтон 25 сыл Дьокуускайдааҕы медицинскэй колледжка отдел кадрынан, английскай тыл преподавателинэн, 2011 сылтан ыла ЯРОО ПАТРИОТ общественнай тэрилтэҕэ бэрэссэдээтэли солбуйааччынан үлэлээбитэ. Арассыыйа суруналыыстарын сойууһун чилиэнэ, 35 кинигэ редактора. РФ доруобуйатын харыстабылын туйгуна, СӨ орто анал үөрэхтээһин туйгуна.
“Дьоҥҥо туһаны аҕалларбын!” уонна «Уруйдуоҕуҥ олоҕу, эйэни, тапталы!” диэн хоьооннорун хомуурунньуктара 2024 сыллаахха Дьокуускайга DOLUN типографияҕа бэчээттэнэн таҕыстылар. Манна киирдилэр Зинаида Ивановна араас сылларга суруйбут хоьоонноро, араас тиэмэлээх, ону таһынан, дьонугар, кэллиэгэлэригэр анабыл хоһоонноро киирбиттэр.
Кинигэлэр хоһоону таптааччылар киэҥ араҥаларыгар ананаллар.
