Өрөспүүбүлүкэтээҕи «Тоҕус оһуордаах түһүлгэ» чэрчитинэн ыытыллыбыт «Тыл сүмэтэ» көрүү күрэһэ
Муус устар 9-10 күнүгэр дьоллоох Дьокуускай куоракка С.А.Зверев-Кыыл Уола күнүгэр аналлаах өрөспүүбүлүкэтээҕи «Тоҕус оһуордаах түһүлгэ» чэрчитинэн ыытыллыбыт «Тыл сүмэтэ» көрүү күрэһэ үрдүк таһымҥа ааста. Тэрээһин сүрүн спонсора «Арктик Капитал» тэрилтэ, салайааччы биир дойдулаахпыт Матвей Евсеев уонна Сунтаар улууһун дьаһалтата. Икки күннээх күрэскэ анаан-минээн Үөһээ Дьааҥы, Уус Алдан, Ньурба, Сунтар, Лиэнискэй, Таатта, Нам, Хаандыга, Мэҥэ Хаҥалас, Амма, Орто Халыма улуустарыттан уонна Дьокуускай куораттан 72 кыттааччы, ол иһигэр 21 оҕо, 51 улахан дьон кытыннылар. Оҕолорго 1 бөлөҕү, улахан дьоҥҥо 6 бөлөҕу, уопсайа 78 нүөмэри дьүүллүүр сүбэ сыаналаата. Саамай кыра кыттааччы Дьокуускай куорат Хатас нэһилиэгиттэн 7 саастаах Сыдьаайа Габышева, аҕам саастаах кыттааччылартан Дягилева Августина Федотовна Дьокуускайтан, Федорова Тамара Федоровна Ньурба улууһуттан — 68 саастаахтар, элбэх ахсааннаах 15 кыттааччылаах «Удьуор утумун уһугуннарыы» бөлөх Дьокуускай куораттан (салайааччы Лена Егорова) буоллулар.
Дьүүллүүр сүбэҕэ үлэлээтилэр:
— Наталья Владимировна Михалева-Сайа, СӨ норуодунай суруйааччыта, СӨ култууратын үтүөлээх үлэһитэ, Сунтаар улууһун Ытык олохтооҕо, Саха национальнай көрдөрөр-иһитиннэрэр хампаанньа эрэдээктэрэ
— Афанасий Гаврильевич Гуринов -Арчылан, СӨ суруйааччыларын сойууһун чилиэнэ, СӨ норуодунай бэйиэтэ Иван Гоголев-Кындыл аатынан бириэмийэ лауреата, “Күрүлгэн” уус-уран сурунаал сүрүн эрэдээктэрэ
— Ульяна Дмитриевна Попова — Сунтаар улууһун дьокутааттарын сэбиэтин бэрэсэдээтэлэ
Икки күннээх күрэс түмүгүнэн түһүлгэ кыайыылаахтарынан ааттаннылар:
Улахан дьоҥҥо:
1 миэстэ «Иибий-Чаабый» фольклорнай бөлөх, Томпо улууһа, Кириэс-Халдьаайы нэһилиэгэ, салайааччы Александра Зыкова
2 миэстэ- Мотрена Владимирова-Силигийээнэ, Амма улууһа, Эмис нэһилиэгэ
3 миэстэ – “Дьүһүйүү” бөлөх, Сунтаар улууһа. Элгээйи нэһилиэгэ, салайааччы Евдокия Захарова
Анал аат “Иэйиилээх толоруу”- “Чобуо” чабырҕахсыттар бөлөхтөрө, Мэҥэ-Хаҥалас улууһа, Тараҕай нэһилиэгэ, салайааччы Галина Зыкова
Анал аат “Хомоҕой толоруу”- “Дэгэрэҥ” фольклорнай бөлөх, Ленскэй улууһа. Бэчинчэ нэһилиэгэ, салайааччы Наталия Мыреева
Оҕолорго:
1 миэстэ Эрхан Степанов, Дьокуускай куорат, салайааччы Светлана Кычкина
2 миэстэ- “Чугдаар” бөлөх, Мэҥэ-Хаҥалас улууһа, Майа сэлиэнньэтэ, салайааччылар Ульяна Ефремова, Валентина Кривошапкина
3 миэстэ –Алексей Уткин, Томпо улууһа, Кэскил нэһилиэгэ, салайааччылар Наталья Мярина, Сардана Сидорова
Анал аат “Сэргэх толорооччу”- Уйгун Мамаев, Нам улууһа, Кыһыл Сыыр нэһилиэгэ, салайааччы Александра Аргунова
Анал аат “Айылгылаах толорооччу”- Сулустаана Сырдык, Дьокуускай куорат, салайааччы Уйгууна Сырдык
Кылаан кыайыылаахтары быһаарар улахан түһүлгэҕэ «Тыл сүмэтин» түһүлгэтин кыайыылааҕа Дьокуускай куораттан, Сунтаар улууһуттан төрүттээх Эрхан Степанов 100 тыһыынчалаах сүрүн бирииһи тутан кыайыы өрөгөйүн биллибит. Былырыын улахан дьоҥҥо улууспутугар төрөөбүт төрүт тыл сылыгар «Тыл сүмэтэ» түһүлгэ кыайыылааҕа Никандр Прокопьевич Тимофеев 300 тыһыынчалаах бирииһи тутан үөһэттэн оҕонньор суолталаан анаан оҥорбута үрдүк үөрүү бэлиэтэ буолбута.
Сүдү киһибит Кыыл Уолун аатын үйэтитэр кэскиллээх тэрээһиҥҥэ саха фольклорун үүнэр ыччакка ураты миэстэни ылан көхтөөх кыттыыны ылбыккытыгар барҕа махталбытын тиэрдэбит, өссө да үрдүк ситиһиилэри баҕарабыт.
