Төрөөбүт тыл, сурук-бичик күнүгэр аналлаах Саха Өрөспүүбүлүкэтин култууратын үтүөлээх үлэһитэ, Арассыыйа суруналыыстарын Сойууһун чилиэнэ, Сунтаар оройуонун бочуоттаах олохтооҕо, “Билии” общество бочуоттаах чилиэнэ, уран тыл маастара Алексей Никифорович Афанасьев-Сэһэн Өлөксөй төрөөбүтэ 80 сылыгар аналлаах XII-c төгүлүн аһаҕас “Аман өс” күрэһэ ыытылынна. Бу тэрээһини Сэһэн Өлөксөй кэргэнэ Зинаида Михайловна Афанасьева ис сүрэҕиттэн кыһаллан, Сунтаар улууһун ыччат бэлиитикэтин салалтата, Л.А.Попов аатынан Сунтаар киин бибилэтиэкэтэ иилээн-саҕалаан тэрийэн ыыттылар. Үтүө күн түһүлгэтигэр Сунтаар улууһун аҕа баһылыгын социальнай уонна имиджевай политикаҕа солбуйааччы Иванов Альберт Ионович, Сунтаар улууһун култууратын уонна айылгытын салалтатын салайааччыта Омукова Саргылана Дмитриевна, Сунтаар улууһун ыччат бэлиитикэтин салалтатын сүрүннүүр исписэлииһэ Дьулустаан Васильевич Иванов эҕэрдэлэрин эттилэр, кыттааччыларга ситиһиилэри баҕардылар.
Күрэскэ Үөһээ Бүлүү “Этигэннэр”, Сунтаартан политехническэй лиссиэй “Саһарҕа”, технологическэй колледж “Ис эрэл”, Сунтаар нэһилиэгин “Сайдыс”, Бүлүүчээн, Дьаархан “Олох эрэлэ”, Элгээйи “Санаа ситимэ”, Уһун Күөл хамаандалара кыттыыны ыллылар. Барыта аҕыс хамаанда кэрэкэ тыл түһүлгэтигэр күөн көрүстүлэр. Хас биирдии хамаандаҕа тэрилтэ салайааччылара, аҕам саастаахтар, ыччаттар уонна оскуола үөрэнээччилэрэ кытыннылар.
Дьүүллүүр сүбэ састаабыгар үлэлээтилэр:
1. Антонова Ангелина Владимировна, Н.М. Родионова аатынан Сунтаар нэһилиэгин оҕо дьоҕурун сайыннарар киин директора, РФ уопсай үөрэхтээһинин бочуоттаах үлэһитэ, СӨ үөрэҕириитин туйгуна — дьүүллүүр сүбэ бэрэссэдээтэлэ
2. Степанов Алексей Константинович, СӨ култууратын уонна үөрэҕириитин туйгуна, СӨ култууратын үтүөлээх үлэһитэ .
3. Тараярова Мария Афанасьевна, СӨ култууратын үтүөлээх үлэһитэ, СӨ муниципальнай сулууспатын туйгуна.
4. Кондратьева Мария Васильевна, РФ үөрэҕириитин Бочуоттаах үлэһитэ, СӨ үөрэҕириитин туйгуна, Учууталлар учууталлара, “Идэҕэ бэриниилээх буолуу” бэлиэлэр хаһаайына Сунтаар политехническай лицей-интернат саха тылын, литературатын учуутала.
5. Федоров Айсен Михайлович, СӨ култууратын туйгуна, “Партизан” норуот айымньытын театральнай киинин фольклорга специалиһа.
Күрэс икки түһүмэҕинэн ыытылынна, бастакы түһүмэх хамаанданы билиһиннэрии, иккис түһүмэх таба тутан ылбыт тиэмэҕин тута арыйыы.
Быйылгы күрэс кыайыылаахтара:
Кылаан кыайыылаах “Саһарҕа” — Сунтаар политехническэй лиссиэй хамаандата, салайааччы Сардана Никитина (сүрүн бириис Сунтаар улууһун ыччат бэлиитикэтин салалтатын 10.000 солк.сууммалаах туоһу сурук)
Иккис үрдэл “Этигэннэр” ыалдьыттарбыт Үөһээ Бүлүү хамаандата, Николай Васильев — Харыйалаах Уола (бириистэрэ Сунтаар улууһун ыччат бэлиитикэтин салалтатын 8.000 солк.сууммалаах туоһу сурук)
Үһүс үрдэл “Санаа ситимэ” Элгээйи хамаандата, салайааччы Татьяна Семенова (бириистэрэ Сунтаар улууһун ыччат бэлиитикэтин салалтатын 5.000 солк.сууммалаах туоһу сурук)
Анал ааттар хаһаайыттара:
«Уран тыллаах куолуһут” — “Сайдыс” Сунтаар нэһилиэгин хамаандата
“Ылыннарыыллаах тыллаах араатар” — Бүлүүчээн нэһ.хамаандата
“Кэскиллээх араатар” – Сунтаар колледжын хамаандата
“Эрчимнээх тыллаах куолуһут” — Уһун Күөл нэһ.хамаандата
“Кэрэхсэтэр араатар” — “Олох эрэлэ” Дьаархан нэһ. хамаандата
Анал бириис хаһаайыттара:
— Дьулусхан Баппаҕай Сүдү Дойду Уола, Үөһээ Бүлүү — Сунтаар улууһун дьаһалтата туруорбут Аар баҕах бэлиэлээх сахалыы иһити тутта.
— Афанасьева Альбина Прокопьевна – Сунтаар улууһун култууратын уонна айылгытын салалтатын анал бирииһин С.А. Зверев-Кыыл Уола үбүлүөйдээх сувенирнай халандаарын тутта.
— Алексей Никифорович Афанасьев-Сэһэн Өлөксөй олоҕун аргыһа Зинаида Михайловна туруорбут сүрүн бириэмийэтин ыллылар ыччакка -Үөһээ Бүлүүттэн Муттухай Бороҥ Уола Сортол Боотур (5.000 солк.), улахан дьоҥҥо Бүлүүчээн хамаандатын аҕам саастаах кыттааччыта Данилова Надежда Васильевна (10.000 солк).
Бу курдук устар ууну сомоҕолуур куолуһуттар күрэстэрэ үрдүк таһымҥа ааста. Аныгыс күрэххэ өссө элбэх кыттааччы кэлиэ диэн эрэнэбит. Сахалыы сайаҕастык саҥарар, иэйиибитин истиҥник этинэр
Ийэ тылбыт үйэлэргэ сүппэккэ үүнэ сайда турдун!
Л.А. Попов аатынан Сунтаардааҕы киин бибилэтиэкэ, ааҕааччыны кытта үлэлиир салаа.
