Муус устар 8-9 күнүгэр Сунтаарга С.А.Зверев-Кыыл Уола күнүгэр аналлаах өрөспүүбүлүкэтээҕи «Тоҕус оһуордаах түһүлгэ»чэрчитинэн ыытыллыбыт «Тыл сүмэтэ» көрүү күрэһэ үрдүк таһымҥа ааста. Тэрээһин сүрүн спонсора «Арктик Капитал» тэрилтэ, салайааччы биир дойдулаахпыт Матвей Евсеев уонна Сунтаар улууһун дьаһалтата. Икки күннээх күрэскэ Дьокуускай куораттан, Томпо, Бүлүү, Сунтаар улуустарыттан 131 кыттааччы, ол иһигэр 97 оҕо, 36 улахан дьон кытыннылар. Оҕолорго 12 бөлөҕү, 30 нүөмэри, улахан дьоҥҥо 2 бөлөҕу, 24 нүөмэри дьүүллүүр сүбэ сыаналаата. Саамай кыра кыттааччы Дьаархан нэһилиэгиттэн 5 саастаах Настя Тимофеева, аҕам саастаах кыттааччы Никандр Тимофеев.
Дьүүллүүр сүбэҕэ Саха көрдөрөр-иһитиннэрэр хампаанньа эрэдээктэрэ, Арассыыйа суруналыыстарын, СӨ суруйааччыларын сойууһун чилиэнэ, СӨ култууратын үтүөлээх үлэһитэ, Сунтаар улууһун бочуоттаах олохтооҕо, норуот суруйааччыта Наталья Михалева-Сайа, СӨ култууратын үтүөлээх үлэһитэ, В.Николаев аатынан Сунтаардааҕы народнай театр режиссера Татьяна Заровняева, Тойбохой орто оскуолатын бэтэрээн учуутала, СӨ суруйааччыларын сойууһун чилиэнэ, «Ньургуһун» литературнай түмсүү чилиэнэ Анатолий Данилов-Аман үлэлээтилэр. Икки күннээх күрэс түмүгүнэн кыайыылаахтарынан ааттаннылар:
Бастакы бөлөх (оҕолор)
| үрдэл- Ариана Семенова (Дьаархан)
II үрдэл -Арылхан Дьяконов (Күндэйэ)
III үрдэл — «Чугдаар» бөлөх ( Сунтаар)
Анал ааттар
«Кэскиллээх толорооччу» Айвита Тихонова ( Түбэй-Дьаархан),
«Иэйиилээх толорооччу» Дамир Сергеев( Хадан),
«Дорҕоонноох толорооччу» Тертюхова Лаурита, Яковлева Виталина (Сунтаар)
Иккис бөлөххө:
I үрдэл -Никандр Тимофеев (Дьокуускай),
II үрдэл- «Күннээх Күүкэй» бөлөх (Күүкэй),
III үрдэл — «Иибий-чаабый» ( Кириэс-Халдьаайы, Томпо)
Анал ааттар
«Айылгылаах толорооччу» Айталина Крылова (Элгээйи),
«Сэргэх толорооччу» — Альбина Баланова (Кириэс-Халдьаайы, Томпо),
«Хомоҕой толорооччу» Владимир Иванов (Толоон).
Көхтөөх кыттыыны ылбыккытыгар барҕа махталбытын тиэрдэбит, өссө да үрдүк ситиһиилэри баҕарабыт.
