Муус устар 9-10 күннэригэр дьоллоох Дьокуускай куоракка С.А.Зверев-Кыыл Уола күнүгэр аналлаах өрөспүүбүлүкэтээҕи «Тоҕус оһуордаах түһүлгэ» чэрчитинэн ыытыллыбыт «Тыл сүмэтэ» көрүү күрэһэ үрдүк таһымҥа ааста. Тэрээһин сүрүн спонсора «Арктик Капитал» тэрилтэ, салайааччы биир дойдулаахпыт Матвей Евсеев уонна Сунтаар улууһун дьаһалтата. Икки күннээх күрэскэ анаан-минээн Уус Алдан, Ньурба, Сунтаар, Таатта, Нам, Мэҥэ Хаҥалас, Амма, Горнай улуустарыттан уонна Дьокуускай куораттан 69 кыттааччы, ол иһигэр 44 оҕо, 25 улахан дьон кытыннылар. Оҕолорго — 4, улахан дьоҥҥо 4 бөлөҕү, уопсайа 60 нүөмэри дьүүллүүр сүбэ сыаналаата. Саамай кыра кыттааччы Мэҥэ Хаҥаластан «Чугдаар» оҕо бөлөҕө, саамай аҕам саастаахтарга Нам улууһуттан «Талбаана» фольклорнай бөлөх кыттыылаахтара буоллулар. Элбэх ахсааннаах 13 кыттааччылаах «Чугдаар» оҕо бөлөҕө Мэҥэ Хаҥаластан (салайааччылар Ульяна Ефремова, Валентина Кривошапкина, Саха Өрөспүүбүлүкэтин култууратын туйгуннара) буоллулар.
Дьүүллүүр сүбэҕэ үлэлээтилэр:
— Наталья Владимировна Михалева-Сайа, СӨ норуодунай суруйааччыта, СӨ култууратын үтүөлээх үлэһитэ, Сунтаар улууһун Ытык олохтооҕо, Саха национальнай көрдөрөр-иһитиннэрэр хампаанньа эрэдээктэрэ
— Афанасий Гаврильевич Гуринов -Арчылан, СӨ суруйааччыларын сойууһун чилиэнэ, СӨ норуодунай бэйиэтэ Иван Гоголев-Кындыл аатынан бириэмийэ лауреата, “Күрүлгэн” уус-уран сурунаал сүрүн эрэдээктэрэ
— Ульяна Дмитриевна Попова — Сунтаар улууһун дьокутааттарын сэбиэтин бэрэссэдээтэлэ.
Икки күннээх күрэс түмүгүнэн түһүлгэ кыайыылаахтарынан ааттаннылар:
Улахан дьоҥҥо (биирдиилээн толоруу):
1 үрдэл -Валерий Соловьев, Мэҥэ-Хаҥалас улууһа, Ороссолуода нэһилиэгэ (200 тыһ.солк.)
2 үрдэл -Айтал Винокуров, Горнай улууһа, Кировскай нэһ. (8 тыһ. солк.)
3 үрдэл — Алина Атласова, Дьокуускай к. (5 тыһ. солк)
Улахан дьоҥҥо (бөлөҕүнэн толоруу):
1 үрдэл — «Дьүһүйүү» бөлөх, Сунтаар улууһа, Элгээйи нэһ. (20 тыһ. солк.)
2 үрдэл — Ульяна Ефремова, Валентина Кривошапкина, Мэҥэ Хаҥалас улууһа, Майа нэһ. (15 тыһ.солк.)
3 үрдэл-«Талбаана» бөлөх, Нам улууһа, Нам сэл. (10 тыһ. солк.)
Анал аат “Иэйиилээх толоруу”-Людмила Давыдова, Дьокуускай к. (3 тыһ.солк.)
Анал аат “Хомоҕой толоруу”-Александр Багардынов, Таатта улууһа, Уус Таатта нэһ. (3 тыһ.солк.)
Анал аат «Айымньылаах толоруу» — Татьяна Семенова, Элгээйи нэһ, Сунтаар улууһа (3 тыһ.солк.)
Анал аат «Долгутуулаах толоруу» — Марфа Дьячковская, Дьокуускай к. (3 тыһ.солк.)
Анал аат «Сэргэх толорооччу» — «Сайдам» бөлөх, Хатас нэһилиэгэ. (3 тыһ.солк.)
Оҕолорго (биирдиилээн толоруу):
1 үрдэл — Арсен Иванов, Уус Алдан улууһа, Тулуна нэһ. (8 тыһ.солк.)
2 үрдэл — Айсаара Фомина, Сунтаар улууһа, Сиэйэ нэһ. (6 тыһ. солк.)
3 үрдэл — Марк Олесов, Уус Алдан улууһа, Кэптэни нэһ. (5 тыһ.солк.)
Оҕолорго (бөлөҕүнэн толорууга):
1 үрдэл — «Чугдаар» бөлөх, Мэҥэ Хаҥалас улууһа, Майа сэл. (15 тыһ. солк.)
2 үрдэл — «Удьуор утума», Дьокуускай к. (10 тыһ.солк.)
3 үрдэл — «Чугдаарар чуорааннар», Уус Алдан, Дүпсүн нэһ. (8 тыһ. солк.)
Анал аат “Кэскиллээх толорооччу”-Алеся Петрова, Сунтаар (3 тыһ. солк.)
Быйыл «Тыл сүмэтин» түһүлгэтин улахан дьоҥҥо I үрдэл кыайыылааҕа Ороссолуода нэһилиэгиттэн Валерий Соловьев 200 тыһ. ылан кылаан кыайыылаах буолла👏🏻👏🏻👏🏻
Былырыын оҕолорго куораттан, Сунтаар улууһуттан төрүттээх Эрхан Степанов 100 тыһыынчалаах сүрүн бирииһи тутан кыайыы өрөгөйүн билбитэ. Онтон 2023 сылга улахан дьоҥҥо Сунтаар улууһугар төрөөбүт төрүт тыл сылыгар «Тыл сүмэтэ» түһүлгэ кыайыылааҕа Никандр Прокопьевич Тимофеев 300 тыһыынчалаах бирииһи тутан үөһэттэн оҕонньор суолталаан анаан оҥорбута үрдүк үөрүү бэлиэтэ буолбута.
Сүдү киһибит Кыыл Уолун аатын үйэтитэр кэскиллээх тэрээһиҥҥэ көхтөөх кыттыыны ылбыккытыгар барҕа махталбытын тиэрдэбит, өссө да үрдүк ситиһиилэри баҕарабыт.
Л.А.Попов аатынан киин библиотека ааҕааччыны
кытта үлэлиир салаа сэбиэдиссэйэ Елена Федорова