Көмүс күһүн кэрэ күннэригэр дойдубутугар араас эгэлгэ тэрээһиннэр, үлэлэр тиһигин быспакка ыытыллаллар. Сунтаарга киин бибилэтиэкэ бэтэрээн үлэһиттэригэр «Преображения» тэрийдилэр.
Көмүс күһүн кэрэ күнүгэр Сунтаар киин бибилэтиэкэтин кыргыттара кэрэни айаллар-туталлар. Быйыл Сунтаарга аҕа саастаах дьоҥҥо ытыктабыл сыла. Маныаха бибилэтиэкэ кыргыттара сүбэлэһэн баран бэтэрээн үлэһиттэргэ «Кэрэтий» диэн далбар хотуттар сэбэрэлэрин тупсаран хаартыскаҕа хатаан үйэтитэллэр.
Кэрэ түгэн үс үбүлүөйдээх бэтэрээн үлэһиттэргэ Лидия Чириковаҕа, Римма Павловаҕа, Зинаида Ивановаҕа бэлэх буоллулар. Хаһан эрэ үлэлии сылдьыбыт, сорох билигин да үлэлии сылдьар бибилэтиэкэ дьиэлэригэр эҥинэ кэрэни айар-тутар кыргыттар макияжтаан, таҥыннаран, араас фотозоналары олохтоон үйэ саас далбардары кэрэ сэбэрэлээх хаартысканан маанылаатылар. Хаартыскаҕа Сунтаар биллэр хаартыскаҕа түһэрээччитэ Октябрина Афанасьева түһэрдэ.
«Саппаҕырбыт санаабын саймаарда кэлэн кэрэтийэн үөрэн-көтөн турабын», — диэн бэтэрээн үлэһит Зинаида Иванова санаатын үллэстибитэ кэрэни кэпсиир.
Тускулаана ГОРОХОВА-КОБЕЛЬЯНОВА
