Ыам ыйын 9 күнэ – Улуу Кыайыы күнэ. Эйэлээх олох иһин сырдык тыыннарын толук уурбут, кыайыыны уһансыбыт ытык дьоммутун ахтан-санаан ааһар күммүт. Ол курдук, ыам ыйын 4 күнүгэр Сунтаардааҕы техническай колледж устудьуоннарыгар «Үйэлэргэ махтал буоллун эһиэхэ, эйэни аҕалбыт дьоҥҥо!» диэн бибилэтиэчинэй уруок буолан ааста. Оҕолор Аҕа дойду Улуу сэриитин ыар сылларыгар биһиги биир дойдулаахтарбыт хайдах курдук фашизмы утары охсуһан кыайыыны аҕалбыттарын туһунан иһиттилэр. Маны сэргэ Кыайыы күнүн ойуулаатылар, «Кыайыы түннүгэ» аахсыйаҕа кыттыстылар.
Суруйда ааҕааччыны кытта үлэлиир салаа библиотекара Мария Георгиевна Федорова
