Сунтаар улууһугар Аҕам саастаахтарга ытыктабыл сылынан уонна Ийэ тыл, сурук-бичик күнүгэр аналлаах «Эриэккэс буочар» каллиграфическай буочарга аһаҕас куйаар ситимин нөҥүө ССРС Суруйааччыларын сойууһун чилиэнэ, энтузиаст-эколог Соколов Эдуард Дмитриевич-Тулусхан төрөөбүтэ 80 сылынан «Дьол» айымньытыттан быһа тардыы суруйууга 45 үлэ киирдэ. Ол курдук Кутана, Бүлүүчээн, Элгээйи, Кэппэндээйи, Маар Күөл, Түбэй Дьаархан, Сунтаар нэһилиэктэрэ көхтөөх кыттыыны ыллылар. Чуолаан оскуола оҕолоро уонна аҕам саастаахтар кыттыбыттара олус үөрүүлээх.
Бу күрэс түмүгүнэн
Улахан дьоҥҥо:
1 миэстэ — Екатерина Дохунаева (Бүлүүчээн)
2 миэстэ — Альбина Спиридонова (Сунтаар)
3 миэстэ — Семен Осипов (Сунтаар)
Оскуола оҕолоругар:
1 миэстэ — Алтынай Татаканова (Элгээйи)
2 миэстэ — Анастасия Ким (Элгээйи)
3 миэстэ — Ростислав Архипов (Кэппэндээйи)
Анал ааттары ыллылар:
«Саамай аҕам саастаах кыттааччы» — Матрена Николаева (89 саастаах)
«Саамай эдэр кыттааччы» — Аян Петров (14 саастаах)
Кыайыылаахтары эҕэрдэлиибит, кыттыбыт бары дьоммутугар махтанабыт, бу курдук көхтөөх буолуҥ диэн баҕа санаабытын тиэрдэбит!