Ырыа олоҕу кытта тэҥҥэ сайда турар норуот тыына, сомоҕолуур күүс, олох дьүөрэтэ уонна доҕуһуола. Саха ырыатын сайдыытын баай ис хоһоонноох устуоруйатын сэгэтэн көрөр эбит буоллахха, саха ырыата кэм кэрдии тэтиминэн үүнэр, сайдар, саҥаттан саҥа таһымҥа тахсар. Ырыаны иһиттэхпитинэ, үөрэммит ытыыбыт, санаабыт сайҕанар, уйулҕабыт уһуктар. Өбүгэлэрбит барахсаттар, дэлэҕэ даҕаны этиэхтэрэ дуо: “Саха киһитэ былыр-былыргыттан оҕуһун мииннэ даҕаны ырыатын ыллаабытынан барар”, – диэн.
Ыам ыйын 21 күнэ- Ырыа күнүнэн биллэриллибитэ номнуо 13 сылын туолла. Бу бырааһынньыгы төрүттээбит, коҕүлээбит киһи Алексей Кириллович Калининскай- Лунха Өлөксөйө буолар. Кини сүүрэн -көтөн биир санаалаахтарын мунньан бүтүн Саха Сирин үрдунэн ырыа суолтатын үрдүк таһымҥа таһаарда. Кэрэ эйгэ биир салаатыгар- ырыаҕа анаммыт уот кыһыл Сардаана сибэкки Лунха үрэх биэрэгин урдугэр тэтэрэн турар.