ҮТҮӨ ҮҮММҮТ КҮНҮНЭН! СУНТААРТАН ЭҔЭРДЭ! — диэн тыллартан саҕаланар биэриилэри Сунтаар эрэ буолбакка өрөспүүбүлүкэ дьоно-сэргэтэ бары күүтэр, сэргиир, истэр, ааҕар.
Тускулаана 2018, 2019, 2020, 2021, 2022, 2023 (ыам ыйа) сылларыгар
куйаар ситимигэр таһаарбыт Сунтаар улууһун олоҕун сырдатар сонуннара сурукка тиһиллэн кинигэ буолан таҕыста. Бу сабыс саҥа тахсыбыт кинигэлэри Тускулаана Л.А. Попов аатынан Сунтаардааҕы киин бибилэтиэкэҕэ уонна нэһилиэк бибилэтиэкэлэригэр барыта 20 экземпляр кинигэни бэлэх уунна.
Саҥа кинигэ Дьокуускай куоракка “Офсет” издательствоҕа 50 ахсаанынан 3 томнаах бэчээттэнэн таҕыста. Кинигэҕэ дойдубут сонунун тиһигин быспакка истэргэ-көрөргө аналлаах куйаар кодтаах бассаап, телеграм, ютуб, инстаграм сирэйдэрин сигэлэрэ киирдилэр, «Туску сонуннара» саҥа кинигэ бэлэм отчуот, Сунтаар туһунан 6 сыллаах бэлэм летопись маны таһынан , Тускулаана бу саҥа кинигэтигэр кынат тылларын киллэрбитэ кинигэни ситэрэн, толорон биэрэр.
Тукскулаана Васильевнаҕа улуус бибилэтиэкэлэрин бары ааҕааччыларын, кыраайы үөрэтээччилэрин ааттарыттан улуус историятын кэрэһэлиир улахан суолталаах кинигэҕин бэлэх ууммуккар махтанабыт.
«СОНУН ОЛУС ЭЛБЭХ. ОЛ ОЛУС ҮЧҮГЭЙ! ҮЛЭ КҮӨСТҮҮ ОРГУЙАР, ОЛ БИҺИГИНИ ДЬОЛЛУУР»
