Иванова, Галина Никитична-Айтыына. Күнүү содула : кэпсээннэр / Галина Иванова — Айтыына. — Дьокуускай : Айар, 2024. — 144 с.
Элгээйиттэн төрүттээх, Уус Алдан Бороҕонугар олорор, үөрэҕирии эйгэтигэр 50-тан тахса сыл бэриниилээхтик үлэлээбит, СӨ үөрэҕириитин туйгуна, РФ уопсай үөрэхтээһинин бочуоттаах үлэһитэ, Уус Алдан улууһун уонна Мүрү нэһилиэгин бочуоттаах олохтооҕо, “Уһуктуу” литературнай түмсүү чилиэнэ, дьон-сэргэ биһирэбилин ылбыт элбэх кинигэ ааптара Галина Иванова-Айтыына саҥа «Күнүү содула» хомуурунньуга таҕыста.
Олох түһүүлээх-тахсыылаах суола — уһун айан, хас биирдии киһи ол алгыстаах аартык айанньыта. Олоҕуҥ суола суон сурахтаах буолара дуу, хараҥаҕа барбах эрэ ыйдаҥардар ыллык буолара дуу — тус бэйэҕиттэн эрэ тутулуктаах.
Кинигэҕэ киһи сирдээҕи олоххо аналын, Дьылҕа хаан тургутуутун — киһи соһуччу көрсөр кыһалҕаларын, очурга оҕустарыытын, тапталга бэриниитин уонна таҥнарыытын туһунан кэпсээннэр ааҕааччы сэҥээриитин ылыахтара. Кинигэ ааҕааччы киэҥ араҥатыгар ананар.
Сборник состоит из коротких рассказов, где автор раскрывает образы обычных людей, на долю которых выпали разные испытания, показывает извечные проблемы отцов и детей, сложные перипетии современности. В книге включены рассказы о предназначении человека, противостоянии испытаниям судьбы, преодолении трудностей, о любви и предательстве, о сильной тяге к жизни. Краеведческий предназначена для широкого круга читателей.
Эдуард Романов. Тутааччы. Көҥүл Боотур / хомуйан оҥордо Р.М. Романова]. — Якутск, 2024. — 176 с.
Кинигэҕэ ЭДУАРД РОМАНОВ оҕо сааһа, оскуолатааҕы сыллара, үлэтэ чугас дьонун, доҕотторун ахтыыларыгар сырдатыллан кэпсэнэр.
Эдик бэс ыйын 12 күнүгэр 1963 сыллаахха Сунтаар улууҺун Хоро сэлиэнньэтигэр Романов Михаил Степанович уонна Семенова Агафья Васильевна дьиэ кэргэнигэр үһүс оҕонон төрөөбүтэ.
Бу кинигэни аймахтарын, чугас доҕотторун көмөлөрүнэн хомуйан, оҥорон Раиса Михайловна Романова-Тыбаайа Хотун таһаарда. Дьокуускай куоракка Дани-Алмаас типографиятыгар 100 экз. ахсаанынан тахсыбыт.