1. Төрөөбүт төрүт буора тарда турар.
2. Иитиллибит Ийэ дойдута иринньэхтиир.
3. Ийэ дойдута ииттэҕэ дии.
4. Ийэ дойдутугар иэһин төлөөтөҕө дии.
5. Алаhа дьиэ ахтылҕаннаах.
6. Оннооҕор холумтан буора эмтээх.
7. Биһикпин ыйаан барбыт сирим.
8. Оннооҕор хоммут отуу ахтылҕаннаах.
9. Өтөх төҥүргэстээх, сурт² кэриэстээх диэбиккэ дылы.
10. Атын сир киһитин таһарахтытар идэлээх.
11. Күн сирэ көҥдөй, айыы сирэ аһаҕас.
12. Бэл биир сэргэ сэһэннээх.
13. Балаҕан барыны кэпсиир аналлаах.
14. Омук диэн омук буоллаҕа дии.
15. Омук аата омук, уруубут буолбатах.
16. Омук сиригэр олорор олус уустук ини.
17. Омугумсуйуу улуутумсуйуу.
18. Омугу холуннарыма, омугу ордугурҕаама.
19. Төрөөбүт дойду төҥүргэһэ бөҕө.
20. Төрөөбүт сир буора кытта эмтээх.
21. Төрөөбүт сир салгынныын атын.
22. Дойду сурахтаах, өтөх ахтылҕаннаах.
23. Дойдутуттан тэлэһийбит киһи, муммут ыт оҕотун тэҥэ.
24. Омук сирэ омнуолаахʼ, төрөөбүт сир кэриэстээх (ахтылҕаннаах).
25. Киһи санаата оҕус да, ат да тардыытынан кэмнэммэт.
26. Омук диэн өйдүүн-санаалыын, итэҕэллиин олох атын буоллаҕа.
27. Омук сирэ бэрдин да иһин, төрөөбүт дойдуга тэҥнэһиэ дуо?
28. Төрөөбүт дойду туохха да сыаналаммат күндү.
29. Төрөөбүт дойдутун ахсарбат киһи, кэскилэ суоҕун кэрэһитэ.
30. Өнүйбэт эрэ киһи дойдутун аахайбат.
31. Төрөөбүт дойду барахсан салгынныын атын.
32. Сэриигэ сылдьан саах сыбахтаах балаҕаммын санаан уйадыйарым.
33. Манчаары курдук төрөөбүт дойдутун таптыыр киһи сэдэх ини.
34. Төрөөбүт дойду курдук ахтылҕаннаах туох баар үһү.
35. Төрөөбүт дойдуларын көмүскээн төһө киһи тыынын толук уурбута буолуой?
36. Төрөөбүт алааһым төһө ахтыбыта буолуой?
37. Төрөөбүт өтөх оһоҕун буора эмтээҕэр дылы.
38. Өтөх төҥгүргэстээх, ыччата албан аатын аатырдар ытык иэстээх.
39. Төрөөбүт дойдуҥ буорун илдьэ сырыт.
40. Төрөөбүт дьиэҥ оһоҕун (холумтанын) буора эмтээҕэр дылы.
Төрүөтэ: Сунтаар билигин туттар өһүн хоһоонноро, өс номохторо, тыл дэгэттэрэ-саха кэс тыллара/И.И.Иванов-Чопчу Уйбаан;2015с.-160с.