Саха литературатын киэҥ эйгэҕэ таһаарар тосхоллоох былырыын саҕаламмыт «Чолбон: өй күрэһэ. Улахан оонньуу» бырайыак дьон-сэргэ сэҥээриитин ылбыта. Быйыл Россияҕа Дьиэ кэргэн, Саха сиригэр Оҕо саас сыллара биллэриллибитинэн «Улахан оонньууну» өрөспүүбүлүкэ 12 улууһун уонна Дьокуускай куораты хабан тэрилиннэ.
Сунтаар улууһугар «Чолбон: өй күрэһэ. Улахан оонньуу» кулун тутар 12 күнүгэр С.А. Зверев-Кыыл Уола аатынан УНАК ыытыллынна. Манна улууспут 7 ыала кытынна. Ол курдук, Элгээйиттэн Екатерина Филиппова, Алена Филиппова уонна 7-с кылаас үөрэнээччитэ Дима Коркин, Күндэйэттэн Любовь Львова, Людмила Львова уонна 10-с кылаас үөрэнээччитэ Нарияна Алексеева, Кэппэндээйиттэн Александра Герасимова, Лира Герасимова уонна 5-с кылаас үөрэнээччитэ Мичийэ Герасимова, Уһун Күөлтэн Фекла Григорьева, Елена Ноговицына, 8-с кылаас үөрэнээччитэ Юлия Егорова, Кутанаттан Наталия Егорова, Максим Максимов уонна 10 кылаас үөрэнээччитэ Максимов Вова уонна Сунтаартан Зинаида Птицына, Мария Никифорова уонна 1-кы №-дээх оскуола 9-с б кылааһын үөрэнээччитэ Алина Никифорова, иккис дьиэ кэргэн Ирина Сивцева, Юлия Филиппова, политехническай лиссиэй 9-с кылааһын үөрэнээччитэ Эрика Филиппова көхтөөх кыттыыны ыллылар.
Күрэһи «Чолбон» сурунаал бас эрэдээктэрэ, Саха сирин суруйааччыларын сойууһун бэрэссэдээтэлэ, Россия суруйааччыларын сойууһун бырабылыанньатын сэкирэтээрэ, СӨ культураҕа уонна бэчээккэ туйгуннара, СӨ “Норуоттарга эйэни уонна доҕордоһууну бөҕөргөтүү иһин” бочуоттаах бэлиэлээх, Казахстан Евразиятааҕы университетын “Лев Гумилев” мэтээллээх, “Наш современник” сурунаал Юрий Кузнецов аатынан бириэмийэтин лауреата, “Золотой Витязь” норуот икки ардыларынааҕы 21-с форум дипломана, Намжил Нимбуев аатынан норуоттар икки ардыларынааҕы 2-с поэзия турнирын призерэ, поэт, публицист, тылбаасчыт уонна кыраайы үөрэтээччи Гаврил Андросов, “Чолбон” сурунаал эппиэттиир сэкирэтээрэ, СӨ культуратын туйгуна, СӨ суруйааччыларын сойууһун В.В.Никифоров-Күлүмнүүр аатынан бэлиэ хаһаайката, суруналыыс Туяра Павлова уонна биир дойдулаахпыт, «Саха» НКИХ анал биэрии эрэдээктэрэ, “Чолбон” сурунаал эрэдээксийэтин сүбэтин чилиэнэ, СӨ суруйааччыларын, Россия суруналыыстарын чилиэннэрэ, СӨ культуратын туйгуна, Н.А.Кондаков аатынан Ил Дархан бириэмийэтин лауреата, поэт, прозаик Ангелина Шадринова-Суоһааны ыыттылар.
Күрэс түһүмэхтэрэ: Суругунан литератураны төрүттээччилэр; Бастакы норуот суруйааччылара; Аҕа дойду Улуу сэриитин кэминээҕи литература; 60-90-с сыллардааҕы литература; Билиҥҥи кэм литературата.
Күрэс түмүгүнэн 1-кы миэстэни Григорьевтар (УҺун Күөл), 2-с миэстэни Филипповтар (Сунтаар), 3-с миэстэни Максимовтар (Кутана) буоллулар. Кыттааччылар бары туоҺу сурук туттулар. Григорьевтар дьиэ кэргэттэрэ өрөспүүбүлүкэтээҕи түһүмэххэ кыттарга туоһу суругу туттулар.
Кытааччыларга уонна күүс-көмө буолбут С.А.Зверев-Кыыл Уола аатынан УНАК үлэһиттэригэр улахан махталбытын тириэрдэбит. Инникитин да көхтөөх кыттыыны ылыаххыт диэн эрэнэбит.
«Чолбон: өй күрэһэ. Улахан оонньуу» киэҥник сырдатыллыаҕа, финал саха телевидениетигэр көстүөҕэ. Кыайыылаах дьиэ кэргэн Өлүөнэ очуостарыгар сынньанар путевканан наҕараадаланыаҕа. Ким ордук бэлэмнээх, ким ордук саха литературатын билэр кыайдын!
Методическай-информационнай салаа
