1. Итиитинэн икки атаҕы иитэр, сылааһынан сир ийэ үрдүн угуттуур баар үһү. (күн)
2. Муора ортотугар көмүс кытах уста сылдьар үһү. (ый)
3. Ынах буолбатар да ыанньыйар баар үһү. (былыт)
4. Сиргэ түһэр эрээри, сиртэн турбат баар үһү. (ардах)
5. Барар да барар, үйэтигэр сылайбакка айанныыр баар үһү. (өрүс)
6. Ууга тимирэбин, уокка умайбаппын, оҕус соспот оҕонньорбун диир баар үһү. (таас)
7. Ордьоох уус икки муос болотун орон анныгар ууран турар үһү. (тиис)
8. Дьылтан маҥан сырайдаах дыраанай кыыс баар үһү. (түннүк)
9. Киһини барытын күндүлүүр баар үһү. (остуол)
10. Сыа хайа үрдүгэр тойон сэргэ, сэргэ үрдүгэр ый тахсан турар үһү. (чүмэчи)
11. Сырдыкка сырса сылдьан үтүктэр баар үһү. (сиэркилэ)
12. Көмүс күрүө иһигэр күөгү дьоруо баар үһү. (чаһыы)
13. Үйэтигэр үҥэ-үҥэ үлэлиир баар үһү. (сүгэ)
14. Орто дойдуга туохтааҕар да модун күүстээх баар үһү. (үөрэх)
15. Сырайынан кэпсиир сыаналаах мал баар үһү. (кинигэ)
16. Күөх түннүк күннүк сири көрдөрөр үһү. (телевизор)
17. Арыт кэҕэ этэр, арыт хаас саҥарар, арыт күөрэгэй ыллыыр, арыт ат бөтөрөҥнүүр үһү. (хомус)
18. Киһи аймаҕы киэргэппит, орто дойдуну тупсарбыт баар үһү. (үлэ)
19. Маһынан мааныланар да, ууттан куттанар баар үһү. (оһох)
20. Орон анныгар олохтоох Ордьоох ороспуой олорор үһү. (кутуйах)
Сунтаарым таабырыннара — саха аман өһө / Хомуйан оҥордо И.И. Иванов-Чопчу Уйбаан; Дьокуускай: 2012 с.