1. «Былыыр-былыр…». Сунтаардааҕы оҕо бибилэтиэкэтин улэһиттэрэ хомуйан таһаарбыт хомуурунньуктара 2024 с. Сунтаарга 50 ахсаанынан бэчээттэнэн таҕыста. Хомуурунньукка Саха өрөспүүбүлүкэтигэр Оҕо саас сылын чэрчитинэн ыытыллыбыт күрэххэ араас улуустартан суруйар дьоҕурдаах оҕолор уонна улахан дьон суруйбут остуоруйалара киирдилэр. Кинигэ ааҕааччы киэҥ араҥатыгар ананар.
2. Сунтаардааҕы Ньургуһун литературнай түмсүү чилиэнин, талааннаах хомоҕой хоһоонньута Максимова Варвара Егоровна-Тырымнаайы бастакы хомуурунньуга “Ыллыыр ырыам” кинигэ 2024 с. Дьокуускайга “Офсет” кинигэ кыһатыгар 200 ахсаанынан бэчээттэммитэ. Хомуурунньукка араас сылларга суруллубут төрөөбүт дойдутугар, култууратыгар анаммыт хоһоонноро киирдилэр. Кинигэ литератураны сэҥээрээччилэргэ, поэзияны таптааччыларга ананар.
3. Прокопьева Сара Васильевна-Мичилиинэ “Таптал тыыннаах ырыалар” кинигэтэ 2024 с. Дьокуускай куоракка “Сайдыы” кинигэ кыһатыгар 50 ахсааннаах бэчээттэнэн таҕыста. Кинигэни хомуйан онордо Дина Васильевна Николаева.
4. “Тоҕус оһуордаах түһүлгэ” кинигэ 2023 с. Дьокуускайга Дани-Алмас кинигэ кыһатыгар 100 ахсаанынан бэчээттэммитэ. Кинигэни хомуйан онордулар Тускулаана Горохова-Кобельянова, Евдокия Сивцева. Кинигэҕэ Сунтаар улууһун култууратын уонна айылгытын салалтатын көҕүлээһининэн буолбут РСФСР култууратын үтүөлээх үлэһитэ, СССР Суруйааччыларын сойууһун чилиэнэ, Саха АССР искусстволарын үтүөлээх диэйэтэлэ, Үлэ Кыһыл Знамя уордьанын икки төгүллээх кавалера, Сунтаар улууһун бочуоттаах олохтооҕо, норуот ырыаһыта Сергей Афанасьевич Зверев-Кыыл Уолун күнүгэр аналлаах “Тоҕус оһуордаах туһулгэ” өрөспүүбүлүкэҕэ иккис төгүлүн ыытыллар норуот уус-уран айымньытын күрэһин туһунан хаартыскалар, куйаар куодтар киирдилэр.
5. “Оһуокай” түмсүү 35 сылыгар ананан тахсыбыт “Оһуокай сайдар, солбук үүнэр” кинигэ 2024 с. Дьокуускайга Ю.А. Гагарин аатынан Саха Өрөспүүбүлүкэтин типографиятыгар 100 ахсаанынан бэчээттэнэн таҕыста. Хомуйан оҥордо Марта Тимофеевна Николаева-Сарыалыйа. Кинигэҕэ Үс Хатыҥ оһуокайын күрэҕин кылаан кыайыылаахтара уонна 2022-2023 сылларга Ил Дархан оһуокайга стипендиаттара сырдатылыннылар. Ааҕааччы киэҥ араҥатыгар ананар.
6. Пособие для учителя “Диктанты в начальных классах. Русский язык” напечатано в 2023 г. Составители Елизавета Петровна Данилова, Раиса Семеновна Матвеева. В сборнике представлены опыт учителей начальных классов Сунтарской НОШ им. В.Г. Павлова: методика обучения различным видам диктантов, примерные тексты диктантов по каждому классу начальной школы. Пособие адресовано учителям начальных классов, а также родителям в индивидуальных занятиях с детьми дома, студентам педагогических колледжей, вузов.
7. Учууталга аналлаах босуобуйа “Сомоҕо домоҕу таай” 2024 с. Сунтаарга Сунтаардаагы типографияга бэчээттэммитэ. Босуобуйаны хомуйан онордулар Ираида Григорьевна Чолбодукова, Карина Афанасьевна Григорьева. Бу көмө матырыйаалга оҕо түргэнник ылыннын диэн сомоҕо домохтор көрдөөх ойуунан бэрилиннилэр. Ойуунан бэриллибит сомоҕо домохтору уруокка, кылаас таһынааҕы үлэҕэ, араас тэрээһиҥҥэ туттуохха сөп. Бу көмө матырыйаал сахалыы сомоҕо домохтору үөрэтиигэ учууталга, төрөппүккэ уонна оҕоҕо ананар.
8. “Спорт бочуоттаах маастара Петр Алексеев” кинигэ 2024 с. Дьокуускайга “Дани-Алмас” кыһатыгар бэчээттэнэн таҕыста. Кинигэ ССРС спордун Бочуоттаах маастара Петр Алексеев тереебутэ 85 сылыгар анана таҕыста. Кинигэҕэ Петр Алексеев көбүөргэ ситиһиилэрэ сырдатылынна, ону таһынан, Сунтаарга араас сылларга буолан ааспыт хапсаҕайга чемпионаттар кыайыылаахтара, Саха өрөспүүбүлүкэтин хапсаҕайга П.Е. Алексеев бирииһигэр чемпионатын кыайыылаахтара киирдилэр. Кинигэ спорду сэҥээрээчилэргэ, ону таһынан ааҕааччы киэҥ араҥатыгар ананар.