Балаҕан ыйын 21 күнэ-Сунтаар улууһа төрүттэммит күнэ. Бу күн Сунтаар пааркатыгар Л.А.Попов аатынан Сунтаардааҕы киин бибилэтиэкэ аһаҕас халлаан анныгар «Ааһан иһэн ааҕан аас» диэн аахсыйаны тэрийэн ыытта. Быйыл Сунтаарга биллэриллибит төрөөбүт төрүт тыл уонна бэйиэт Альберт Бүлүүйүскэй төрөөбүтэ 80 сылын чэрчитинэн, Альберт Бүлүүйүскэй «Доҕоттоор, мин Сир тыыннаах киһитэбин!» диэн кинигэтиттэн, «Балаҕан ыйын 23 күнэ» күннүгүн аахтылар. Бу аахсыйаҕа барыта 14 ааҕааччы көхтөөхтүк кытынна, ол курдук Сунтаар улууһун аҕа баһылыгын социальнай уонна имиджевай политикаҕа солбуйааччы Г.М.Еремеев, Сунтаарбыт нэһилиэгин олохтоохторо уонна Сунтаар, Кутана, Бордоҥ орто оскуолатын үөрэнээччитэлэрэ. Бастакы үс кыттааччыга киин бибилэтиэкэ кэллэктиибин аатыттан олохтоох ааптардар кинигэлэрин бэлэх туттардылар. Маны сэрэгэ «Күрүлгэн» уус-уран сурунаал эрэдээктэрэ Афанасий Гуринов-Арчылан кинигэлэрэ атыыланнылар.
Суруйда Л.А.Попов аатынан Сунтаардааҕы киин бибилэтиэкэ
ааҕар саалатын сэбиэдиссэйин эбээһинэһин толорооччу Мария Алексеева
