Төрөөбүт төрүт тыл күнүгэр аналлаах өрөспүүбүлүкэтээҕи «Сахалыы дьыктаан» сурулунна. Быйылгы дьыктаан саха норуотун биир маҥнайгы тыл үөрэхтээҕэ, ураты көрүүлээх учуонай, тюрколог, талааннаах суруйааччы, тылбаасчыт уонна уопсастыба диэйэтэлэ Гавриил Васильевич Баишев – Алтан Сарын төрөөбүтэ 125 үбүлүөйдээх сылын чэрчитинэн «Тоҕус этиҥ тойуга” кинигэтиттэн «Киэһээ айан» айымньытынан, олунньу 18 күнүгэр Л.А. Попов аатынан Сунтаардааҕы киин бибилэтиэкэҕэ сахалыы дьыктаан ыытылынна. Барыта 17 киһи кыттыыны ылла. Дьыктааны РФ үөрэҕириитин бочуоттаах үлэһитэ, СӨ үөрэҕириитин туйгуна, «Учууталлар учууталлара», «Идэҕэ бэриниилээх буолуу» бэлиэлэр хаһаайына, политехническэй лицей саха тылын учуутала Мария Кондратьева суруйтарда. Ол курдук, дьыктаан түмүгүнэн:
— “Бастыҥтан бастыҥ суруксут” аатын ылла Раиса Павлова;
— “Бастыҥ суруксут аатын” ылла Марфа Спирова,
— “Үчүгэй суруксут” аатын үс киһи ылла, Антонина Гуляева, Светлана Иванова, Саргылана Спиридонова. Хас биирдии кыттааччыга туоһу сурук туттарылынна. Дьыктааҥҥа көхтөөхтүк кыттыбыт биир дойдулаахтарбытыгар тэрийээччилэр ааттарыттан махтанабыт, бу курдук сахалыы тыл сүмэтин иҥэрэн, өрө тутан инникитин да өрүү көхтөөхтүк кыттыахтара диэн эрэнэбит.
Суруйда ааҕааччыны кытта үлэлиир салаа
кылаабынай бибилэтиэкэрэ Саргылана Генерова
