Олунньу 15 күнүгэр Сунтаардааҕы И.С. Иванов аатынан иккис нүөмэрдээх оскуола базатыгар үөрэҕирии салалтатын иитии уонна эбии үөрэхтээһин отдела, “Оҕо саас сирдьиттэрэ”, “Бастыҥнар хамсааһыннара” уонна Л.Попов аатынан Сунтаардааҕы киин бибилэтиэкэ буолан улуустааҕы «БАСХАН– 2024» дьыалабыай оонньууну тэрийэн ыыттылар.
Тэрээһин Саха автономиятын төрүттээччи Степан Максимович Аржаков төрөөбүтэ 125 сылыгар уонна Саха Сиригэр оҕо саас сылыгар ананна.
«Басхан» күрэх сыала дойдутугар бэриниилээх эр киһини иитэн таһаарар, өй-санаа өттүнэн сайыннарар, уол оҕо оруолун уопсастыбаҕа үрдэтэр, киэҥ эйгэҕэ таһаарар, билиһиннэрэр сыаллаах ыытыллар. Сунтаар улууһугар бастакытын, олус тэрээһиннээхтик ыытылынна.
Күрэскэ барыта 8 нэһилиэктэн Сунтаар улууһуттан 12 бастыҥтан-бастыҥ, лиидэр уолаттара өйдөрүн-санааларын, билиилэрин- көрүүлэрин тургутан көрдүлэр.
Уолаттарбытын күрэххэ кытталларыгар күүс-уох эбэн, санааларын сааһыланан, ис эйгэлэрин арыйан, киэҥ толкуйдарын көрдөрөн, хомоҕой тыллара аһыллан ситиһиилээхтик кытталларыгар алгыс тылынан арчылаата С.А. Зверев-Кыыл Уолун аатынан холбоһуктаах түмэл специалиһа Омуков Николай Александрович.
Кыттаччылар биэс түһүмэххэ бэйэлэрин тургуттулар. Ол курдук – удьуор утума — бэйэни, төрдүгүн уускун билиһиннэрии, Дойду салайааччылара мин харахпынан — талбыт салайааччыны сырдатыы, Өркөн өй – чыпчылҕан блиц ыйытыктарга хоруй, Дьыалабыай оонньуу – билиини тургутуу, айыы умсулҕана – талан ылбыт хоһоон 4 сторокатыгар салгыы эбэн хоһоону ситэрии.
Дьүүллүүр сүбэ бэрэссэдээтэлэ Борис Михайлович Уларов, Сунтаар улуһун Аҕалар сэбиэттэрин бэрэссэдээтэлэ буолла.
Кыттааччы, салайааччы, ыалдьыт эрэ барыта тэрээһин истиҥ эйгэлээҕин, сайдар кэскиллээҕин бэлиэтээтэ. Саха уоланнара бас-көс дьон буолан тахсалларыгар сүдү улахан суолталаах, билиҥҥи кэмҥэ олус наадалаах оонньуу, кыттааччы уолаттар оҕо саастарыгар биир суолталаах үктэл буолла.
Күрэс түмүгүнэн кыайыылааҕынан уонна анал аат хаһаайыннарынан ааттаннылар:
КЫЛААН КЫАЙЫЫЛААХ Горохов Айаан Петрович – Сунтаардааҕы политехническай лицей – интернат 9 кылааһын үөрэннэччитэ, оскуола активиһа, спортсмен, волонтер уонна Сунтаар нэһилиэгин общественнай олоҕор кехтеех кыттыыны ылар уерэнээччи, “Мой класс – моя команда” курэх 1 миэстэ кыайыылааҕа, “Саас” биэрии корреспондена.
I ҮРДЭЛ КЫАЙЫЫЛААҔА Михайлов Григорий Павлович — Георгий Евдокимович Бессонов аатынан Тойбохойдооҕу орто оскуолатын 11 кылаас үөрэнээччитэ, психология, обж, география олимпиадатын региональнай этабын призера, «Шаг в будущее» научно-практическай конференция кыттыылааҕа, хас да төгүллээх кыайыылааҕа, оскуола көхтөөх активиһа, тимиринэн, маһынан уһанарын сөбүлүүр.
II ҮРДЭЛ КЫАЙЫЫЛААҔА Васильев Елисей Александрович — Сунтар нэһилиэгин 3 нүөмэрдээх орто оскуолатын 10 кылаасс Улуустааҕы оскуола оҕолорун икки ардынааҕы Саха КВН — 2022 оонньууларын Гран-при хаһаайана, Бүтүн арассыыйатааҕы үҥкүү күрэһигэр «Танцевальная признания — 2023» — Лауреат 1 истиэпэнин хаһаайына, Өрөспүүбүлүкэтээҕи «Таланты земли Олоҥхо Бриллиантовые нотки — 2024» — Гран-При хаһаайына, улуустааҕы гиря спортун турнирыгар 1 миэстэ.
III ҮРДЭЛ КЫАЙЫЫЛААҔА Иванов Никита-Сандал Иванович – Илимниир оскуолатын 7 кылааьын уерэнээччитэ. Оскуола тыйаатырын суруннуур чилиэнэ, Сунтаар сонуннара хаһыат журналиһа, нэһилиэгин общественнай олоҕор көхтөөх кыттыыны ылар үөрэнээччи.
“Киэҥ көрүүлээх Басхан” – Слепцов Сергей Александрович, П.Х. Староватов аатынан Элгээйи орто оскуолатын 10 «б» кылааһын үөрэнээччитэ. Бутун Арассыыйатааҕы олимпиада региональнай этап биология олимпиадатын кыайыылааҕа, Оскуола тэрээһиннэрин тутаах ыытааччыта, хооһоон ааҕааччы, дуобатчыт.
“Удьуор утуму салҕыыр” – Гоголев Уйгулаан Гаврильевич – Алексей Андреевич Иванов – Кундэ аатынан Кутана орто оскуолатын 10 кылааһын үөрэнээччитэ. «Олоҥхо дойдутун оҕотобун» 26с республикатаагы фестифальга «Уһун тыыннаах толорооччу» номинация кыайыылаага, «Ийэ тылым илгэлээх тойуга» курэххэ 1 миэстэ кыайыылаа5а, Улуустаа5ы мас тардыьыы курэ5эр 3 миэстэ кыайыылаа5а, «Лидер» оҕо хамсааһынын чилиэнэ, «Бригантина» байыаннай кулууп чилиэнэ, «Бэргэн» спортивнай кулууп чилиэнэ, нэһилиэк культурнай, фольклорнай самодеятельноьын кыттыылааҕа, оскуола волейболга сборнайын чилиэнэ.
“Сайдам санаа Басхана” – Петров Аржун Витальевич, Илья Семенович Иванов аатынан Сунтаардаа5ы 2 нуемэрдээх оскуола 9 кылааьын уерэнээччитэ, республиканскай «Физика вокруг нас» викторина 3 миэстэ хаьаайына, комплекснай гуманитарнай олимпиада кехтеех кыттыылаа5а, араас респубиканскай аа5ыы курэхтэрин кыттыылаа5а, X Республиканскай «Уол о5о – норуот кэскилэ» курэх кыттыылаа5а, Саха сирин сайдар кэскилин туьугар анаммыт, сахалыы тыыннаах Былатыан Ойуунускай айар улэтин уйэтитии, уус-уран аа5ыы кыттыылаа5а.
“Кэскиллээх кыттааччы” – Кузьмин Айтыын Альбертович, Дьаархан орто уопсай үөрэхтээҺин интэрнээт оскуолатын 7 кылааҺын үөрэнээччитэ. Республиканскай «Инникигэ хардыы» научно-практическай конференция 3 степеннээх дипломана, улуустааҕы «Инникигэ хардыы» НПК Кыайыылааҕа, Өрөспүүбүлүкэтээҕи «Күн оҺуокайа» телевизионнай оҕо күрэҕин кыттыылааҕа, Саха волонтер хамсааҺын Махтал суруга, үөрэнээччилэр түмсүүлэрин чилиэнэ.
“Өркөн өй Басхана” – Григорьев Роберт Христофорович, Маар-Күөл орто оскуолатын 10 кылааһын уерэнээччитэ. 2022 сылга улуустаагы «Инникигэ хардыы» НПК 1 миэстэлээх. 2023 сылга Республикага «Инникигэ хардыы» НПК дипломана. 2023 сылга улуустаагы «Инникигэ хардыы» НПК призера. 2022 сыллаахха буолбут Юрий Михайлович Лотман 100 сааьыгар аналлаах «Семиотика языка, литературы и культуры» Республикатаагы НПК 3 миэстэ хаьаайына. Кустага математикага, нуучча тылыгар олимпиадалар хас да тегуллээх призера. Киберспортсмен, волонтер, нэһилиэгин общественнай олоҕор көхтөөх кыттыыны ылар үөрэнээччи.
“Тобуллаҕас толкуй Басхана” – Сидоров Яков Арьянович, Андрей Петрович Павлов аатынан Сунтаар 1 нуемэрдээх оскуола 10 «в» кылаас уерэнээччитэ, Дьокуускай куорат 6 нуемэрдээх оскуолатын урукку президиэнэ, автодорожнай оройуон «Лидер» хамсааьынын салайааччыта, спорстмен, бастакы нуемэрдээх оскуола активиьа.
“Хомоҕой тыл Басхана” – Емельянов Ян Александрович, Аллыҥа орто үөрэхтээһин оскуолатын 10 кылааьын уерэнээччитэ. Республиканскай «Инникигэ хардыы» научно-практическай конференция лаурета, география олимпиадатын призера, оскуола президенэ.
“Кыайыыга дьулуур” – Тотонов Владимир Николаевич, Иван Григорьевич Спиридонов аатынан Кириэстээх политехническэй оскуолатын 8 кылаас уерэнээччитэ. Улууска мас тардыыьыыга хас да тегуллээх призера, «ДЭЙБИИР» ырыа ансамбылын чилиэнэ, волонтер уонна активист.
