“Уол оҕо уон өттүктээх: биир күн ат уорҕатыгар,
Биир күн ат өрөҕөтүгэр”
(өс хоһооно)
Сунтаар улууһун Маар Күөл орто оскуолата уонна Сунтаардааҕы кииннэммит бибилэтиэкэ ситимэ Арассыыйа Суруйааччыларын сойууһун чилиэнэ, прозаик, эколог, уопсастыбаннай диэйэтэл, дэгиттэр талааннаах Э.Д. Соколов-Тулусхан төрөөбүтэ 80 сылыгар аналлаах Бүлүү бөлөх улуустарын үөрэнээччилэригэр, үөрэх эйгэтин үлэһиттэригэр, төрөөбүт литэрэтиирэни сэҥээрэр, таптыыр дьоҥҥо аналлаах кэтэхтэн “Соколовскай ааҕыылар” билим чинчийэр кэмпириэнсийэ тэрийэн ыыттылар. Сыала: Э.Д. Соколов-Тулусхан аатын үйэтитии. Кэмпирэнсийэ хайысхалара:
- Суруйааччы айымньыларын ырытыы (Э.Д. Соколов-Тулусхан уус-уран айымньыларынан чинчийэр үлэлэр);
- Э.Д. Соколов-Тулусхан уопсастыбаннай үлэтэ-хамнаһа, кини туһунан ахтыылар (Э.Д. Соколов араас киэҥ өрүттээх уопсастыбаннай үлэтэ, спортсмен, эколог быһыытынан сырдатыы. Дьиэ кэргэн архыыбыттан суруйааччы айар үлэтигэр уонна кини аймахтарын олохторугар сыһыаннаах матырыйаалларынан чинчийиилэр, ырытыылар);
- Билиҥҥи саха литэрэтиирэтигэр уол оҕо, ыччат дьылҕата (ХХ үйэ 90 с – ХХI үйэ кэминээҕи айымньыларга уол оҕо тиэмэтин, кыһалҕатын сырдатыы, уобараһын арыйыы, Тулусхан айымньыларын кытта тэҥнээн ырытыы);
- «Төрөөбүт литэрэтиирэҕэ тапталы иҥэриэх…» (кылаас таһынааҕы ааҕыыны көҕүлүүр үлэ уопутун тарҕатыы).
Ааҕыыга Бүлүү бөлөх улууһун оскуолаларын 7-11 кылааһын үөрэнээччилэрэ, учууталлар, эбии үөрэхтээһин үлэһиттэрэ, бибилэтиэкэрдэр, биирдиилээн дьон кыттыннылар.
Дьүүллүүр сүбэ быһаарыытынан оҕолорго:
1м. Титова Айнура (Түбэй-Дьаархан, Сунтаар)
2м.-Емельянова Даяна (Маар-Күөл, Сунтаар)
3м. Филиппов Ярослав, Иванов Артем (Сургуулук, Үөһээ Бүлүү)
Улахан дьоҥҥо:
1 м. Титова Л.С. (Түбэй-Дьаархан, Сунтаар)
2м. Никифорова Л.С. (Арыылаах, Сунтаар)
3м.-Петрова А.И. (Күүлээт, Бүлүү) буоллулар.
Кыттыбыт дьоҥҥо тэрийээччилэр ааттарыттан улахан махталбытын тириэрдэбит, ситиһиилэри баҕарабыт.
Тэрийээччилэр