Кинигэ — билии төрдө, кинигэ — үтүө доҕор, сүбэһит диэн дириҥ суолталаах этиилэри истэн, билэн, ыччаттарга иҥэрэр сыаллаах киһи-аймах бүгүҥҥэ дылы сайдан-үүнэн кэллэҕэ.
2019 сылтан СӨ Национальнай библиотеката кинигэни, ааҕыыны тарҕатар сыалтан араас таһымнаах тэрээһиннэри ыытар. Быйыл сэттис төгүлүн ыытыллар «Сила книги» диэн улахан аахсыйа өрөспүүбүлүкэҕэ Ийэ дойдуну көмүскээччилэр сылыгар ананна. Бу күн чэрчитинэн Л.А.Попов аатына киин бибилэтиэкэтэ эмиэ кыттыста. Сунтаар бастакы нүөмэрдээх оскуолатын 7 «г» кылаас үөрэнээччилэрэ, кылаас салайааччыта Кристина Егоровна кэлэн кыттыыны ыллылар. Ааҕыыны Сунтаар нэһилиэгин аҕа баһылыга Эдуард Филиппов оҕолорго Наталия Михалева — Сайа «Уйгур» диэн кинигэтиттэн «Алаадьы» диэн сэрии саҕанааҕы аас-туор сылларыгар дьиҥнээх олоххо буолбут, Бүөккэ муҥнаах дьонун өлүүттэн өрүһүйээри биир алаадьыны илдьэн иһэн, илиитигэр туппутунан үлүйэн өлбүтүн харааста иһиттилэр, ыйытыктарга эппиэттэстилэр, айымньы туһунан санааларын эттилэр.
Маны таһынан Эдуард Егорович анал байыаннай дьайыыга сылдьан Милан Алексеевтан сурук тутан үөрбүтүн, долгуйбутун, киһиэхэ кыра да болҕомто күндүтүн бэлиэтээн эттэ уонна кэлэр кэнчээри ыччаттарга олоххо бэйэҕит суолгутун булунуҥ, хайдах да түгэҥҥэ бэйэҕитин түһэн биэрбэт курдук сылдьыҥ диэн алгыс тылын эттэ. Тэрээһин бүтэһигэр аахсыйа кыттааччыларыгар туоһу сурук туттарылынна.
Суруйда ааҕааччыны кытта үлэлиир салаа сүрүннүүр бибилэтиэкэрэ Саргылана Генерова
