Хас биирдии ыал көлүөнэттэн көлүөнэҕэ бэриллэн илдьэ сылдьар маллаах буолар. Ол курдук, бүччүмнүк харалла сылдьар маллар ааспыт үйэ кэрэһиттэрэ буолан, өбүгэ олоҕун, үгэстэрин кэпсиир, көрдөрөр аналлаахтар.
Ону тэҥэ, хас ыал аайы олохторугар буолбут туох эрэ умнуллубат түгэннэри кытта сибээстээх эһэлэриттэн, эбэлэриттэн бэриллибит, харах харатын курдук харалла сылдьар, ийэлэрэ-аҕалара, оҕолоро, сиэннэрэ ааҕа сылдьар кинигэлэрэ, күннүктэрэ баар буолаллар.
Кинигэ биһиги олохпутугар олус улахан суолталаах күндү мал буолар. Аан дойдуга саамай муударай, саамай дириҥ ис хоһоонноох, кэрэхсэбиллээх – кинигэ, кинилэр биһиги арахсыспат аргыстарбыт, үтүө сүбэһиттэрбит буолаллар.
Дьэ, ол иһин, муус устар ый саҕаланыытыгар биһиги библиотекабыт улууспут иһигэр “Книжная реликвия” диэн күрэс биллэрбитэ. Күрэскэ барыта 15 киһи кытынна. Дьиэ кэргэн реликвиялара бары быыстапкаҕа турдулар, дьон-сэргэ сэҥээриитин ылыахтарын ыллылар.
“Библиосумерки – 2024” ааксыйа күнүгэр сөп түбэһиннэрэн, “Семейная книжная реликвия” күрэс түмүгүн таһаардылар, кыайыылаахтарга бириистэри туттартаатылар.
Бу күрэс Сунтаар улууһун “Матери России” общественнай хамсааһын уонна «Күөрэгэй» ийэлэрин түмсүүлэрин кытары бииргэ тэрилиннэ.
Кимнээх бириистээх миэстэлэргэ, анал номинацияларга тиксибиттэрин салгыы ааҕыҥ.
1 миэстэ — Илларионова Лариса Виссарионовна, Данилова Александра Виссарионовна, (Хоро)
«Матери России» анал бирииһин туттарда Сунтаар улууһун кииннэммит библиотекатын ситимин салайааччыта уонна «Матери России» хамсааһын чилиэнэ И.И.Жиркова.
2 миэстэ – Подрясова Наталья Юрьевна, (Бүлүүчээн)
«Күөрэгэй» ийэлэр түмсүүлэрин анал бирииһин туттарда улуустааҕы комитетын чилиэнэ Сардаана Афанасьевна Афанасьева.
3 миэстэ – Прокопьева Валентина Петровна, Прокопьева Лена Петровна, (Сунтаар)
Маннык анал ааттары ыллылар :
— «Раритетная книга», Меркурьева Антонина Павловна, (Куокуну);
— «Бесценная память», Яковлева Аня, (Элгээйи);
— «Бесценная память» Слепцова Диана, (Устье)
— «Семейная ценность» Семеновтар дьиэ кэргэн, (Элгээйи)
— «Связь поколений» Иванова Люция Прокопьевна, (Сунтаар)
Кинигэлэр биһиги олохпутугар олус улахан суолталаахтар. Аан дойдуга саамай муударай, саамай дириҥ ис хоһоонноох, кэрэхсэбиллээх кинигэ буолар, кинилэр биһиги арахсыспат аргыстарбыт, үтүө сүбэһиттэрбит буолаллар.
Кыттааччыларга барыларыгар көхтөөх кыттыыны ылбыттарын иһин махтанабыт, инникитин да маннык күрэстэргэ кыттаарыҥ диэн ыҥырабыт!
Ааҕааччыны кыттаа үлэлиир салаа
