Олунньу 13 күнүгэр Төрөөбүт тыл уонна сурук-бичик күнүгэр аналлаах сылын ахсын ыытыллар «Сахалыы дьыктаан -2026» аахсыйа Л.А.Попов аатынан Сунтаардааҕы киин бибилэтиэкэҕэ олунньу 12 күнүгэр ыытылынна. Быйылгы дьыктааны Саха Өрөспүүбүлүкэтин норуодунай суруйааччыта, Социалистическай Үлэ Геройа Дмитрий Кононович Сивцев — Суорун Омоллоон “Чүөчээски” кэпсээниттэн быһа тардыыны суруйдулар. Сахалыы дьыктааны СӨ култууратын, ыччат бэлиитикэтин туйгуна Тускулаана Горохова-Кобельянова суруйтарда. Уопсайа 64 кыттааччы билиитин тургутта. Ол курдук, дьыктаан түмүгүнэн: Оҕолорго: «Бастыҥ суруксут» аатын ылла Мохотчунова Галя Сунтаар бастакы нүөмэрдээх оскуола 9 “в” кылаас үөрэнээччитэ; «Үчүгэй суруксут» аатын ылла Николаев Юрий Сунтаар бастакы нүөмэрдээх оскуола 9 “в” кылаас үөрэнээччитэ. Улахан дьоҥҥо: «Бастыҥтан бастыҥ суруксут» аатын ылла Еремеева Наталья; «Бастыҥ суруксут» аатын ылла Афанасьева Катерина; «Үчүгэй суруксут» аатын ылла Петрова Софья. Хас биирдии кыттааччыга Сахалыы дьыктааны суруйбуттарын бигэргэтэр тyohy сурук туттарылынна. Дьыктааҥҥа көхтөөхтүк кыттыбыт биир дойдулаахтарбытыгар тэрийээччилэр ааттарыттан махтанабыт, бу курдук сахалыы тыл сүмэтин иҥэрэн, өрө тутан инникитин да өрүү көхтөөхтүк кыттыахтара диэн эрэнэбит.
Суруйда ааҕааччыны кытта үлэлиир салаа кылаабынай бибилэтиэкэрэ Мария Алексеева
