Үгэскэ кубулуйбут Өрөспүүбүлүкэ үрдүнэн Хотугулуу-Илиҥҥи бэдэрээлинэй үнүбүрсүтүөт уонна Саха Өрөспүүбүлүкэтин Национальнай бибилэтиэкэтэ тэрийэн ыытар сахалыы дьыктааны суруйуу аахсыйа Л.А.Попов аатынан Сунтаар киин бибилэтиэкэҕэ буолан ааста.
Бу тэрээһин оскуола оҕотуттан саҕалаан улахан дьоҥҥо тиийэ табатык суруйууну уонна төрөөбүт төрүт тыл кыһалҕаларыгар уопсастыба араас араҥатын болҕомтотун тардар сыаллаах ыытыллар. Дьыктааны технологическай колледжын устудьуоннара уонна бары баҕалаахтар суруйдулар. Маны таһынан киинтэн тэйиччи сытар, бибилэтиэчинэй пууннаах нэһилиэктэр Тэҥкэ, Туойдаах, Наахара дьоно-сэргэтэ бэйэ баҕа өттүнэн кыттан бэйэлэрин бэрэбиэркэлэннилэр.
Дьыктааны барыта 54 киһи суруйан, сөптөөхтүк таба суруйан
«Бастыҥтан бастыҥ суруйааччы» аатын ылла Лидия Чирикова
«Бастыҥ суруксут» — Антонина Гуляева
«Үчүгэй суруксут» — Марианна Поскачина
Хайҕабыл суругунан бэлиэтэннилэр технологическай колледж устудьуоннара Мирослав Меркурьев, Алексей Макаров
Бары кыттыбыт дьоҥҥо барҕа махталбытын тиэрдэбит!
