Балаҕан ыйын 25-26 күннэригэр Л.А. Попов аатынан Сунтаардааҕы киин бибилэтиэкэ ааҕар саалатыгар Судаарыстыбаннас күнүн чэрчитинэн биһиги биир дойдулаахпыт, киэн туттар киһибит, государственнай, общественнай, политическай деятель, РФ үтүөлээх экономиһа, СӨ Государственнай бириэмийэтин лауреата, Саха сиригэр «Хотугу Сулус» уордьан бастакы кавалера В.Г.Павлов төрөөбүтэ 95 сылыгар аналлаах «Павлов уруоктара» диэн библиотечнай уруоктара Сунтаар бастакы нүөмэрдээх оскуола 7а, 8 кылаас, политехническай лицей 5 кылаас, гимназия 9б кылаас оҕолоругар ыытылыннылар.
Уруоктарга оҕолор Владимир Павлов төрөөбүт Сунтаарын, Сахатын Сирин сайдыытыгар анаабыт олоҕун, далааһыннаах үлэтин кытта билистилэр, маны сэргэ уруок бүтүүтэ биктэриинэҕэ көхтөөхтүк кыттан сэмэй бэлэхтэри туттулар.
Владимир Гаврилович олоҕо эдэрдэргэ холобур буолар уонна кини үтүө аата үйэлэргэ умнуллубат.
Суруйдулар Л.А.Попов аатынан Сунтаардааҕы киин бибилэтиэкэ ааҕар саалатын бибилэтиэкэрдэрэ
Раиса Павлова уонна Саргылана Генерова
