РСФСР култууратын үтүөлээх үлэһитэ, СССР суруйааччыларын сойууһун чилиэнэ,
Саха АССР искусстволарын үтүөлээх диэйэтэлэ, Үлэ Кыһыл знамя уордьанын икки төгүллээх кавалера, Сунтаар улууһун Бочуоттаах олохтооҕо, норуот ырыаһыта
Сергей Афанасьевич Зверев-Кыыл Уолун сүдү талааныгар сүгүрүйэн,
125 үбүлүөйдээх сылын чэрчитинэн
“ТОҔУС ОҺУОРДААХ ТҮҺҮЛГЭ”
өрөспүүбүлүкэтээҕи норуот уус-уран айымньытын күрэһэ
“ТЫЛ СҮМЭТЭ” үгэ, чабырҕах, уус-уран ааҕыы
БАЛАҺЫАННЬАТА
Тэрээһин ыытыллар кэмэ: муус устар 9 – 10 к., 2025 с.
Буолар сирэ: Дьокуускай к., П.А.Ойуунускай аатынан Саха академическай тыйаатырын Алампа саалата
Кыттааччы:
- 1 бөлөх – 17-гэр диэри саастаах оҕолор (биирдиилээн, бөлөҕүнэн);
- 2 бөлөх – 18-тан үөһэ саастаах улахан дьон (биирдиилээн, бөлөҕүнэн).
Сыала-соруга: - саха уус-уран тыла-өһө сайдарыгар олук ууруу;
- норуот тылынан уус-уран айымньытын – үгэни, чабырҕаҕы, уус-уран ааҕыыны – толорор, айар дьоҕурдаах дьону болҕомтоҕо ылан өйөөһүн;
- көрүҥ быһыытынан сөргүтэн киэҥ эйгэҕэ таһаарыы, сайдар суолун тобулуу, эдэр ыччакка тириэрдии, үйэтитии.
Күрэс ирдэбилэ: - кыттааччы үс көрүҥү: үгэни, чабырҕаҕы, уус-уран ааҕыыны барытын толорор.
Сыаналааһын ирдэбиллэрэ: - тылынан уус-уран айымньы тылын-өһүн баайа, хомоҕойо, чуолкайа, үөрэ-дьүөрэ түһэриитэ сыаналанар;
- ис хоһоонун тиэрдиитэ;
- тэтимэ, ырыата, дэгэрэҥэ, киэргэтиитэ;
туттан-хаптан, хамсанан айымньыны толору арыйыыта.
Тэрээһин сүрүн ирдэбиллэрэ:
• Кыттыы иһин төлөбүр: биирдиилээн кыттааччыттан 1000 солк., бөлөҕүнэн толорууга бөлөх хас биирдии кыттааччытыттан 500 солк.;
• Кыттааччы кэлэр-барар, аһыыр, хонор ороскуотун бэйэтэ уйунар;
• Сайаапканы муус устар 1 күнүгэр диэри тутабыт. Кыттааччы пааспарын, ИНН, СНИЛС куопуйаларын күрэс буолар күннэригэр илдьэ сылдьара ирдэнэр;
• Кыттыы бэрээдэгин тэрийэр сүбэ быһаарар;
• Бары көрүҥҥэ сахалыы таҥас булгуччулаах.
Өрөспүүбүлүкэтээҕи Дьүүллүүр Сүбэ үлэтин түмүгүнэн:
• улахан дьоҥҥо, оҕолорго бөлөҕүнэн уонна биирдиилээн кыттааччыларга КЫЛААН КЫАЙЫЫЛААХТАР, оһуокайга Дархан этээччи быһаарыллыахтара;
• хас биирдии көрүҥҥэ I, II, III үрдэллэр, анал ааттар олохтонуохтара;
• кыайыылаахтар Добун суругунан, статуэтканан, харчынан наҕарааданаллар;
• хас биирдии кыттааччыга туоһу сурук туттарыллар.
Күрэс уопсай бирииһин пуондата 2 200 000 (икки мөлүйүөн икки сүүс тыһыынча) солк.
Сайаапкалары metod_suntar_2017@mail.ru электроннай аадырыска “Тыл сүмэтэ” күрэс” диэн бэлиэтээһиннээх муус устар 1 күнүгэр диэри күүтэбит.
Билсэр төл.:
8411-35-22-1-91 Л.А.Попов аатынан Сунтаар улууһун киин бибилэтиэкэтэ
89141141412 Спиридонова Саргылана Федотовна
89142942077 Портнягина Алена Павловна
89142543853 Данилова Нюргуяна Сидоровна
Сайаапканы ыйыллыбыт нүөмэрдэргэ ватсапка ыытыаххытын эмиэ сөп
- Кыттааччы/бөлөх толору аата (ахсаана)
- Улууһа, нэһилиэгэ
- Тэрилтэтэ
- Кыттар бөлөҕө
- Айымньы аата, ааптара (үгэ, чабырҕах, уус-уран айымньы)
- Толорор болдьоҕун кээмэйэ
- Уһуйааччыта
- Кыттааччы/бөлөх регалията, ситиһиитэ
- Төлөпүөнүн нүөмэрэ
ТЭРИЙЭР СҮБЭ