Саҥа дьылбыт чугаһаатар чугаһаан иһэр. Бырааһынньыкка бэлэмнэнии тыыныгар хаптаран, бүгүн Л.А.Попов аатынан Сунтаардааҕы киин бибилэтиэкэҕэ маастар-кылаас буолла. Кэмпэндээйиттэн кэлэн, Иванова Наталия Прокопьевна искусственнай ротанг матырыйаалтан харыйа атаҕын бүрүйэр киэргэли (харыйа дьууппата дииллэр) үөрэттэ. Манна кэрэни кэрэхсиир ыал эбээлэрэ, ийэлэрэ уонна сиэннэр кэлэн, Саҥа дьыллааҕы харыйаларын бэйэлэрэ өрбүт киэргэллэринэн бүрүйүөхпүт диэн астынан, дуоһуйан тарҕастылар.
Өссө да араас МК-тары кэтэһиҥ.
Ааҕааччыны кытта үлэлиир салаа
