«Уол оҕо — эр хоһуун»
Аҕа дойдуну көмүскээччилэр күннэригэр анаан Сунтаар киин бибилэтиэкэтэ Сунтаар 1№-дээх оскуолатын 10 «а» кылааһын үөрэнээччилэригэр «Уол оҕо — эр хоһуун» диэн интеллектуальнай оонньууну ыытта. Оҕолор 2 хамаанданан хайдыһан улуустарын, Саха сирин, Россия байыаннай историятын туһунан видео-ыйытыктарга хоруйдаан, «Армияҕа бэлэммит» диэн көрдөөх күрэххэ кыттан, билиилэрин, сымсаларын, түргэн толкуйдарын тургуттулар. Түмүгэр «Лучший защитник Отечества», «Готов к защите Родины» дипломнарынан бэлиэтэннилэр. «Этих дней не смолкнет слава» кинигэ быыстапката тэрээһини ситэрэн-хоторон биэрдэ. Оҕолор элбэҕи билэн, сэргэхсийэн тарҕастылар.
Тэрээһини ааҕааччыны кытта үлэлиир салаа уонна ИКТ бибилэтиэкэрдэрэ Раиса Павлова, Мария Томская ыыттылар.
