“Үс саха төрүөҕэр
Үөрүүлээх күнүгэр
Мин ырыам ылланыа,
Мин аатым ааттаныа”.
П.А. Слепцов-Ойуунускай (11.111893-31.10.1939) – саха литературатын төрүттээччи, Саха сирин суруйааччыларын сойууһун бэрэссэдээтэлэ (1935), ССРС Суруйааччыларын сойууһун бырабылыанньатын чилиэнэ, төлөннөөх революционер, биллиилээх общественнай деятель, саха бастакы учуонайа. Саха норуота, кыаммата-дьадаҥыта сайдыы саҥа кэрдииһигэр тахсарын, дьоллоох олоххо киирэрин туһугар утуйар уутун-сынньалаҥын билбэккэ, туох баар күүһүн-күдэҕин, доруобуйатын харыстаабакка үлэлээбитэ-айбыта, бары кыаҕын, дьоҕурун-талаанын бүтүннүүтүн норуотугар анаабыта.
П.А.Ойуунускай олоҕун, айар үлэтин сиһилии билиэн баҕалаахтары онлайн-викторинаҕа кыттаргар ыҥырабыт.