Ороһооспо

Ороһооспо диэн тугуй?

   Ороһооспо григорианскай халандаарынан Арассыыйаҕа тохсунньу 7 күнүгэр сөп түбэһэр, урукку истиилинэн ахсынньы 25 күнүгэр. Былыргы сахалар Иисус Христос төрөөбүтүн — Ороһооспону эмиэ ылаллара.
   Tохсунньу 7 күнүгэр Ороһооспо тымныы оройо. Күөл ойбонуттан сүллүүкүннэр оһох оттооччулара тахсаллар, онтон тохсунньу 14-гэр Баһылайап күн, бу күн үлэһит сүллүүкүннэр тахсаллар. Сахалар бу күнтэн таҥхалыыллара саҕаланар. Православнай халандаарынан бу күн Обрезание Господне, Иисус еврей буолан бу күн өр обрезание оҥорбуттар. Обрезание оҥорооһун диэн улахан бырааһыннык буолар. Эргэ Саҥа дьыл сүллүүкүннэр оҕолоро тахсаллар. Тохсунньу 19 күнэ — Кириһиэнньэ, сүллүүкүннэр бары киэһэ күөллэригэр төттөрү түһэллэр. Сарсыарда кинилэр кириэһи ууга түһэрэллэр, ол иһин сарсыарда 12 чааска күөлгэ киирэн ойбон оҥорон уу хаһааналлар. Ити ууларын сылы быһа кыралаан иһэллэр, ити уу хайдахтаах да куйааска буортуйбат, кириэстээх уу буолан бу эмтээх. Онтон православие этэринэн бу күн уу сибэтиэй эмтиир суолталанар.

Ороһооспоҕо бэлэмнэнии уонна Ороһооспо битэ-билгэтэ

   Ороһооспоҕо бэлэмнэнэн дьон дьиэлэрин-уоттарын хомуналлара. Баанньыктаналлар, остуолга ыраас ыскаатары тэлгииллэр. Ороһооспо күҥҥэ анаан эрдэттэн ыраас, мааны таҥас бэлэмнииллэр. Онтуларын хайаан да бырааһынньык күн сарсыардаттан кэтэллэр. «Оропооспоҕо хайдах бэлэмнэммиккиттэн кэлэр сыл үүнүүтэ-быйаҥа тутулуктаах» диэн итэҕэл баар.
   Аны туран Ороһооспо күнэ үүнүөҕүттэн, төһө да утаппыттарын иһин, сарсыарда өттүгэр көннөрү сулугур ууну испэттэр. Тоҕо диэтэххэ «уу испит киһи сайыны быһа тамаҕа хатан эрэйдэнэр» диэн өйдөбүллээхтэр. «Иэдээн, куһаҕан быһыы буолуо» диэн Ороһооспо күн тугу да туппаттар, өрбөттөр, тикпэттэр. «Сүөһүбүт-аспыт үөрүттэн куоппатын, быстыбатын» диэн аһыыр остуолларын атаҕын быанан холбуу баайаллар. Сарсыардааҥы таҥара сулууспатын кэнниттэн, күнүс, таҥара үлэһиттэрэ прихожаннарын дьиэтин кэрийэн «славление» диэн ыытан, биһиги өйдөбүлбүтүнэн үтүөнү баҕаран алгыыллар.
   Былыргы сир оҥорооччулар өссө биир дьикти билгэлээх эбиттэр. Ол курдук, Ороһооспо күн ыалга бастакынан киирбит киһи дьахтар буоллаҕына, дьиэлээх дьахталлар сылы быһа ыалдьыахтарын сөп. Онон Ороһооспо күн дьахтар аймах сарсыарда онно-манна элэҥниирэ, ыалдьыттыыра бэрдэ суох быһыынан ааҕыллар эбит.

Обсуждение закрыто.