Ыһыах бастакы күнүгэр «Олоҥхо дойдутун улуу тунах ыһыаҕа» диэн альбом-кинигэ сүрэхтэннэ. Кинигэ бу сылга Дьокуускай куоракка Дани-Алмас кинигэ кыһатыгар 200 ахсаанынан бэчээттэнэн таҕыста. Манна 2023 сылга ыһыллыбыт ыһыах үлэ түгэннэриттэн хаартыскалара киирбиттэр. Кинигэни хомуйан оҥордулар оройуон сээбиэтин бэрэссэдээтэлэ Ульяна Дмитриевна Попова, Сунтаар улууһун култууратын уонна айылгытын салалтатын информационнай методическай киин специалиһа Евдокия Гаврильевна Сивцева уонна Дмитрий Бурынин. Альбомҥа фотограф Дмитрий Бурынин, Елена Шестакова, Роман Уаров, Вячеслав Борисов, Евдокия Сивцева түһэрбит хаартыскалара туһанылыннылар. Кинигэ улуус аҕа баһылыгын Анатолий Васильевич Григорьев уонна Сунтаар улууһун култууратын уонна айылгытын салалтатын салайааччыта Саргылана Дмитриевна Омукова киирии тылларынан саҕаланар. Сунтаар оройуона муниципальнай тэриллии юридическай сирэй быһыытынан «Сунтаар – олонхо дойдута» табаарынай бэлиэ ону тэҥэ комбинированнай ааты – государственнай регистрацияны 2018 сылга ылбытын туһунан бэлиэ киирбит уонна ол туһунан сиһилии суруллубут информацияны билсиэххитин сөп. Ааҕааччы киэҥ араҥатыгар ананар.
