“Ньургуһун” литературнай түмсүү Кыайыы 80 сылыгар анаан улууспут олохтоохторугар “Ыар кэмнэр ыпсыыларыгар” саҥа кинигэтин бэлэх уунна. Бу кинигэҕэ түмсүү чилиэннэрэ Аҕа дойду Улуу сэриитин кэмигэр төрөппүттэрэ фроҥҥа, тыылга хайдах сылдьыбыттарын, үлэлээбиттэрин туһунан кэнчээри ыччакка сырдатар сыаллаах бэчээттэнэн таҕыста.
Кинигэни хомуйан бэчээккэ бэлэмнээтэ Мария Алексеева, эппиэттиир эрэдээктэр Зинаида Васильева-Сыралы, техническэй эрэдээктэр Марианна Поскачина, компьютерга таҥна Ньургуйаана Данилова.
Бу күн түмсүү чилиэннэрэ мустан, саҥа кинигэ тула кэпсэтэн, санаа атастаһан, сэргэхсийэн тарҕастылар.
Ааҕааччыны кытта үлэлиир салаа кылаабынай бибилэтиэкэрэ Мария Алексеева
