Алексей Андреевич Иванов-Күндэ саха советскай литературатын, норуот үөрэҕириитин, сахалыы суругун-бичигин сайдыытыгар бастакы акылааты уурсубут норуоппут уһулуччулаах дьонноруттан биирдэстэрэ.
Тохсунньу 28-29 күннэригэр суруйааччы, учуонай, общественнай деятель А. А. Иванов-Күндэ төрөөбүтэ 130 сылын чэрчитинэн Сунтаар киин библиотекатыгар Сунтаар 1N-дээх, политехническай лицей үрдүкү кылаас үөрэнээччилэригэр «Норуокка анаммыт олох» диэн библиотечнай уруок ыытылынна. Библиотекарь Павлова Р.И. Күндэ бэйиэт, прозаик, драматург, тылбаасчыт, кириитик, учуонай быһыытынан айымньылаах үлэтин, олоҕун туһунан билиһиннэрдэ. «Марба», «Иэдээннээх баҕа» кэпсээннэри, хоһооннорун болҕойон иһиттилэр. Түмүгэр, кылгас ыйытыктарга хоруйдаатылар, элбэҕи билэн тарҕастылар.
Ааҕааччыны кытта үлэлиир салаа бибилэтиэкэрэ Раиса Павлова
