Л.А.Попов аатынан улуустааҕы киин бибилэтиэкэ тэрийэн ыыппыт Кыыл Уола Сэргэй Сибиэрэп төрөөбүтэ 125 сылыгар туһуламмыт анабыл хоһоону айыыга өрөспүүбүлүкэтээҕи кэтэхтэн курэскэ араас улуустартан: Бүлүүттэн –3, Уус-Алдантан –1, Орто Халыматтан –3, Ньурбаттан –2, Үөһээ Дьааҥыттан –2, Үөһээ Бүлүүттэн –2, Чурапчыттан –2, Дьокуускайтан –2, Кэбээйитттэн –2, Амматтан –1, Тааттаттан –1 уонна Сунтаар улууһуттан –12 барыта 33 киһи кыттыыны ыллылар. Сүдү киһиэхэ Кыыл Уола Сэргэй Сибиэрэпкэ сүгүрүйэн бэйэлэрин анабыл уонна саха тылын, култууратын, үгэһин туһунан хоһуйбут хоһооннорун суруйан көхтөөхтүк кытыннылар.
Дьүүллүүр сүбэҕэ үлэлээтилэр:
Наталья Владимировна Михалева-Сайа – Саха норуотун суруйааччыта, СӨ култууратын үтүөлээх үлэһитэ, Сунтаар улууҺун, Түбэй нэьилиэгин бочуоттаах олохтооҕо, СӨ суруйааччыларын, Арассыыйа суруналыыстарын сойуустарын чилиэнэ, Сүбэ түсчүтэ Афанасий Гаврильевич Гуринов-Арчылан – саха норуодунай бэйиэтэ И.М.Гоголев-Кындыл аатынан бириэмийэ лауреата, РФ Суруналыыстарын сойууһун, СӨ Суруйааччыларын сойууһун чилиэнэ; Ангелина Николаевна Шадринова-Суоһааны – Анемподист Софроно-Алампа аатынан уопсастыбаннай бириэмийэ лауреата, Арассыыйа суруналыыстарын , Норуоттар икки ардыларынааҕы, СӨ Суруйааччыларын сойуустарын чилиэнэ, Н.А.Кондаков аатынан араадьыйа, телевидение суруналыыстыкатыгар Ил Дархан бириэмийэтин лауреата, СӨ култууратын туйгуна.
Күрэс түмүгүнэн бастыҥ хоһоон ааптардарынан буоллулар:
«Хомоҕой тыллаах хоһоонньут» – Александр Амбросьев-Сайылык Уола, Сунтаар улууһа, Кириэстээх (3000 солк. харчыннан бириис)
«Тыл алыбар ылларбыт» – Семен Винокуров, Орто Халыма, Налимскай (3000 солк. харчыннан бириис).
«Удьуор тыл ойууһута» – Тимофей Шестаков-Чоххуруос, Ньурба улууһа (3000 солк. харчыннан бириис).
1 үрдэл – Валентина Бурнашова, Уус Алдан улууһа, Кэптэни (15000 солк. харчыннан бириис).
2 үрдэл– Вениамин Егоров-Айан Чакыр, Сунтаар улууһа, Арыылаах (7000 солк. харчыннан бириис)
3 үрдэл – Мария Данилова-Күн Мичээрэ, Сунтаар улууһа, Түбэй (5000 солк. харчыннан бириис).
Маны таһынан, тэрийээччилэр эбии анал ааттары анаатылар:
«Эдэр саастаах хоһоонньут» –Дмитрий Протопопов-Ураты Уран Тыл, Таатта улууһа, Кыйы
«Аҕа саастаах хоһоонньут» – Клара Тихонова, Сунтаар улууһа, Тойбохой
«Төрүт тылы үйэтитээччи» –Иван Кондаков-Тимирхан, Бүлүү улууһа, Бөтүҥ.
Күрэскэ кыттыбыт бары кыттааччыларбытыгар тэрийээччилэр ааттарыттан истиҥник махтанабыт, айар-суруйар дьоҕургут сириэдийэ сайда турдун диэн баҕа санаабытын тиэрдэбит!
Кыыл Уола Сэргэй Сибиэрэп саха омугун тапталын ылыан ылбыт, сырдык ыралаах, итии иэйиилээх, кэлэр кэскиллээх ырыалара, тойуктара үйэлэргэ тыыннаах буолуохтара, саха омук салгыы сайдыытыгар, айанын аартыгар алгыс буолан арыаллыахтара.
Спиридонова С.Ф.,Портнягина А.П., Л.А.Попов аатынан улуустааҕы киин бибилэтиэкэ
методическай-информационнай салаата
