Балаҕан ыйын 23 күнүгэр Л.А. Попов аатынан Сунтаардааҕы киин бибилэтиэкэҕэ бүтүн Аан дойдутааҕы «Литературнай дьыктаан-2023” аахсыйаҕа кытыннылар. Бу тэрээһини Мурманскай уобалас научнай бибилэтиэкэтэ М.И.Рудомино аатынан Бүтүн Арассыыйатааҕы бибилэтиэкэлэри кытта бииргэ тэрийэн ыыттылар. Литературнай дьыктаан сүрүн сыала: — улуу нуучча литературатын тургутуу, ааҕыыны көҕүлээһин. Дьыктаан тест быһыытынан нуучча литературатыттан сүүрбэ араас ыйытыкка эппиэттээһин. Кыттыыны Сунтаар бастакы нүөмэрдээх 11 кылааһын уонна Сунтаар гимназиятын 9а, 10, 11 кылааһын үөрэнээччилэрэ ыллылар. Литературнай дьыктаан түмүгүнэн Туйгун суруйааччы аатын Сунтаар бастакы нүөмэрдээх 11 кылааһын үөрэнээччилэрэ Ванесса Дмитрьева, Полина Иванова, Вилена Кириллина, Вилена Христофорова уонна Сунтаар гимназиятын 9а кылааһын үөрэнээччитэ Нарыйаана Васильева. Ону тэҥэ муҥутуур кыайыылааҕынан Сунтаар гимназиятын 9а кылааһын үөрэнээччитэ Карина Генерова буолла. Уопсайа 31 киһи билиилэрин тургутан көрдүлэр, аахсыйа кыттыылаахтарыгар туоһу сурук туттарылынна. Бу курдук бибилэтиэкэҕэ араас тэрэһиннэргэ кытта туруҥ, билиигитин хаҥатын диэн ыҥырабыт.
Суруйда Л.А.Попов аатынан Сунтаардаа5ы киин бибилэтиэкэ ааҕар саалатын кылаабынай бибилэтиэкэрэ Саргылана Генерова
«Учитесь и читайте.
читайте книги серьезные.
Жизнь сделает остальное».
Федор Достоевский
