Саха народнай поэта Леонид Андреевич Попов атырдьах ый 14 күнүгэр төрөөбүтэ 104 сыла. Леонид Андреевич Попов Сунтаар оройуонун Арыылах нэһилиэгэр төрөөбутэ. 1937 сылтан бэчээттэнэр буолбута. Бастакы хоһооннорун хомуурунньуга «Куутэбин көрсүһэр күннэри» 1943 сыллаахха тахсыбыта. 1944 сылтан ССРС Суруйааччыларын сойууһун чилиэнэ.
Дьокуускайдааҕы педагогическай институт тылга уонна литератураҕа факультетын уонна М. Горькай аатынан Литературнай институт Үрдүкү литературнай курстарын ситиһилээхтик үөрэнэн бүтэрбитэ. Саха сиринээҕи кинигэ издательствотын старшай редакторынан, «Хотугу сулус» сурунаал редакциятын отделын сэбиэдиссэйинэн улэлээбитэ. Л.А. Попов РСФСР Суруйааччыларын сойууһун
бырабылыанньатын чилиэнэ этэ.
Леонид Попов барыта 40 хоһоон, поэма, кэпсээн кинигэлэрин бэчээттэппитэ, ол иннигэр 16 кинигэтэ
нууччалыы тылга тылбаастаммыта, үгүс хоһоонноро сэбиэскэй кэмҥэ үгүс бырааттыы омуктар тылларыгар тылбаастанан тахсыбыттара. Бэйэтэ эмиэ тылбаасчыт быһыытына хас да бөдөҥ айымньылары сахалыыга тылбаастаабыта. Ордук таптал лирикатыгар уонна гражданскай лирикаҕа күүстээх поэт быһыытынан биллибитэ. Элбэх хоһоонноро ырыа буолан үгүс сылларга уостан түспэккэ ыллана сылдьаллар.
Леонид Андреевич Поповка саха литературатын сайдыытыгар уһулуччулаах үтүөлэрин иһин саха народнай поэта диэн үрдүк аат иҥэриллибитэ, кини «Бочуот Знага», Үлэ Кыһыл Знамята орденнарынан, үгүс мэтээллэринэн наҕараадаламмыта.