Ыам ыйын 23 күнүгэр Л.А.Попов аатынан киин бибилэтиэкэҕэ сылын аайы ыытыллар «Кинигэ күүһэ» республиканскай акция ыытылынна. Аахсыйа Сунтаар улууһугар Аҕам саастаахтар сылларын чэрчитинэн ыытылынна.
Бу улахан суолталаах тэрээһиҥҥэ үлэни өрө туппут нэһилиэктэр киэн туттар, убаастанар үтүө-мааны дьоно оҕо саастарыгар сөбүлээн аахпыт кинигэлэрин иһитиннэрдилэр, ааҕыы киһи олоҕор суолтатын туһунан кэпсээтилэр, санааларын үллэһиннилэр. Ол курдк тэрээһин саҕаланыытыгар Сунтаар улууһун «Движение первых» салайааччыта Егорова М.А, бэйэтин сөбүлүүр суруйааччытын Уйбаан Нуолур “Алаас» кэпсээнин ааҕан иһитиннэрдэ. Кэпсэтиигэ Уйбаан Нуолур сахаларга алаас суолтата дириҥин, өбүгэлэрбит олохторун эргийэр киинэ буоларын суруйан хаалларбыт айымньыларынан биллэрбитэ чиҥник бигэргэннэ. Салҕыы, Ньургуһун литературнай түмсүү чилиэнэ, «Березка» уһуйаан сэбиэдиссэйэ Коротова Е.А-Кэтии Лэчил оҕо сааһыгар аҕата чүмэчи уотугар Амма Аччыгыйын айымньыларын ааҕан биэрэрэ, иһитиннэрэрэ оҕо иитиитигэр туспа суолталааҕын туһаайан эттэ, маны сэргэ 1958 сылга бэчээттнэнэ тахсыбыт Альбом (орто оскуолаҕа саха литературатыгар пособие) көрдөрөн кыттааччылар болҕомтолорун тарта. Бу курдук аахсыйаҕа кыттыыны ылбыт хас биирдии кыттааччы сөбүлээн аахпыт айымньыларын сырдаттылар уонна ханнык да кэмҥэ ааҕыы киһи олоҕор иитэр-үөрэтэр суолтата үрдүгүн тоһоҕолоотулар.
“Кинигэ күүһэ” акция оҕону ааҕыыга уһуйууга, Ийэ билии тахсыыта, аахпыт билиигин үллэстэриҥ киһиэхэ ордук иҥэр, кинигэҕэ тапталы иҥэрэргэ биир сүрүн тэрээһин буолар. Бука бары кыттыбыт ыалдьыттарбытыгар, СӨ Национальнай библиотекатын аатыттан туоһу суруктар, кинигэ бэлэхтэр туттарылыннылар.
Ааҕааччыны кытта үлэлиир салаа
