Н.М. Рыкунов аатынан Нам улууһун библиотекатын ыҥырыытын өйөөн «Кинигэтэ бэлэхтээ» акцияҕа кыттыһан, балаҕан ыйын 5 күнүгэр — Үтүө санааланыы күнүгэр анаан, Сунтаар улууһун дьонугар ыҥырыы биллэриллибитэ. Бу ыҥырыыбытыгар туора турбакка улуус үрдүнэн элбэх дьон кыттыыны ылла. Хомуллубут кинигэлэр Донецкай народнай республика Докучаевскай куоратыгар баар оҕо бибилэтиэкэтигэр бэлэх буолан бардылар. Сунтаарбыт улууһун бары нэһилиэктэриттэн оҕоҕо аналлаах, классик суруйааччылар уонна детективтары аҕалан акцияны өйөөтүлэр. Барыта 100-тэн тахса оҕо кинигэтэ хомуллан Дьокуускай куоракка волонтерскай кииҥҥэ бэрилиннэ. Күндү Сунтаарбыт дьоно-сэргэтэ, «Кинигэтэ бэлэхтээ» акцияҕа көхтөөх кыттыыны ылбыккытыгар барҕа махталбытын тиэрдэбит.
Ааҕааччыны кытта үлэлиир салаа
