Ильмень күөллээҕи кыргыһыы.
Аҕа дойду Улуу сэриитин биир улахан суолталаах, элбэх хаан тохтуулаах сэриитинэн Ильмень күөллээҕи сэрии буолар. Сунтаардааҕы политехническэй лицей 8 б кылааһын үөрэнээччилэригэр (кыл.сал. Августина Попова) киин библиотека үлэһитэ Раиса Павлова «Ильмень буойуттарыгар сүгүрүйэбит» диэн эр санаа уруогун ыытта. Оҕолор 1943 с. олунньу 23 күнүгэр Новгород сирин иһин элбэх хаан тохтуулаах сэриигэ олохторун толук уурбут 19-с хайыһар биригээдэтин буойуттарын туһунан, олор истэригэр биир дойдулаахтарбыт эмиэ хорсуннук сэриилэспиттэрин туһунан долгуйа иһиттилэр. Кинилэр сырдык ааттарын үйэтитиигэ ыытыллыбыт үлэлэр тустарынан, «Битва на озере Ильмень» диэн кинигэ быыстапкатыттан иһитиннэриини кытта билистилэр.
Ааҕааччыны кытта үлэлиир салаа бибилэтиэкэрэ Раиса Павлова
