Сунтаар улууһун маҥнайгы поэтессата, Норуоттар икки ардыларынааҕы суруйааччылар сойуустарын чилиэнэ, СӨ култууратын туйгуна
САРГЫЛААНА СПИРИДОНОВА — КЭРЭМЭС КИЙИИТЭ
төрөөбүтэ 70 сылыгар аналлаах ахтыы дьоро түһүлгэтин чэрчитинэн ыытыллар
КИНИ ХОҺООННОРУН ДОРҔООННООХТУК, ИСТИҤ ИЭЙИИЛЭЭХТИК ААҔЫЫГА КӨҤҮЛ КҮРЭС БАЛАҺЫАННЬАТА
Тэрийээччилэр: Сунтаар улууһун култууратын уонна айылгытын салалтата, “Маар Күөл нэһилиэгэ” МТ, Сунтаар улууһун кииннэммит бибилэтиэкэ ситимэ, «Партизан» НАТК
Буолар күнэ: 2025 сыл, балаҕан ыйын 10 күнэ.
Буолар сирэ: Сунтаар нэһилиэгэ, «Партизан» НАТК.
Сыала: Сунтаар маҥнайгы поэтессата Саргылана Спиридонова – Кэрэмэс Кийиитин хоһооннорун дьоҥҥо-сэргэҕэ тарҕатыы, иҥэрии, үйэтитии.
Кыттааччылар: бары баҕалаах, 18 сааһыттан үөһээ.
Сыаналанар: ис хоһоонноохтук, истиҥ иэйиилээхтик, хомоҕойдук, дорҕоонноохтук ааҕыы. Өйтөн (нойосуус) ааҕыы, айымньыны бэйэ толкуйунан уус-уран киэргэтии, доҕуһуол биһирэнэр.
Ирдэбилэ: ааҕааччы Саргылаана Спиридонова айбыт биир хоһоонун талан ааҕар, уһуна 3 мүнүүтэттэн уһуо суохтаах.
Наҕараадалааһын: муҥутуур кыайыылаахха “Кылаан чыпчаал”, бастыҥ ааҕааччыларга «Кэскиллээх ааҕааччы», «Иэйиилээхтик ааҕыы», «Умсугутуулаах ааҕыы» анал ааттар иҥэриллиэхтэрэ уонна Грамоталарынан, бириистэринэн наҕараадаланыахтара.
Сайаапкалары балаҕан ыйын 8 күнүгэр диэри күүтэбит.
☎ Билсэр тел.: 89142897734 (ватсап), 89143081355 (ватсап )