Балаҕан ыйын 21 күнүгэр Сунтаар улууһун күнүгэр “Алмаас” стадиоҥҥа Л.А.Попов аатынан Сунтаар улууһун киин бибилэтиэкэтэ Арассыыйаҕа Дьиэ кэргэн, Саха сиригэр Оҕо саас, Сунтаар улууһугар Аҕам саастаахтарга ытыктабыл сылларын, I-кы өрөспүүбүлүкэтээҕи дьиэ кэргэн патриотическай “ОТОН.ФЕСТ” бэстибээл чэрчитинэн “Ааҕар Сунтаар” бырайыак иһинэн ыытыллыбыт улуустааҕы “Дьиэ кэргэнинэн сөбүлүүр кинигэтин ааҕабыт” видеороликтар күрэһин уонна “Күһүҥҥү киһи күлбүтүнэн” куйаар ситиминэн хаартыска күрэһин кыайыылаахтарын наҕараадалааһына ыытылынна.
Күрэстэр сүрүн сыаллара: Уус уран хаартыска, видеоролик көмөтүнэн дьиэ кэргэн оруолун үрдэтии, ааҕыыны көҕүлээһин, үтүө үгэстэрин уонна дьарыктарын сырдатыы.
Кинигэ үтүө үгэстэрин, ааҕыы култууратын туһунан бары көлүөнэлэргэ ахтар үтүө күрэспитигэр 17 дьиэ кэргэн “Проза” уонна “Поэзия” номинацияларынан кыттыыны ыллылар. Хас биирдии ыал тапталлаах кинигэтин ааҕан, дьүүллүүр сүбэҕэ көрдөрөн, айымньылаахтык тириэртэ.
Дьүүллүүр сүбэҕэ үлэлээтилэр: А.Н. Попова — Сунтаар улууһун «Ньургуһун» литературнай түмсүү салайааччыта, Сунтаардааҕы гимназия нуучча тылын учуутала, Р.Н. Павлова, М.И. Томская Сунтаардааҕы кииннэммит бибилиэтиэкэ ситимин үлэһиттэрэ.
Дьиэ кэргэнинэн сөбүлүүр кинигэтин ааҕабыт” күрэскэ дьүүллүүр сүбэ быһаарыытынан:
“Проза” номинацияҕа
1 миэстэ-Кузьминнар (Дьаархан)
2 миэстэ-Егоровтар (Күндэйэ)
3 миэстэ-Даниловтар (Кириэстээх)
“Поэзия” номинацияҕа
1 миэстэ-Андреевтар (Элгээйи)
2 миэстэ-Ивановтар (Сунтаар)
3 миэстэ-Григорьевтар (Элгээйи) ыллылар.
Биһирэбил бириистэри туттулар: Герасимовтар (Кэппэндээйи), Саввиновтар (Күүкэй), Самойловтар (Кириэстээх), Петровтар, Николаевтар, Григорьевтар (Сунтаар).
Күрэс кыттыылаахтарын үлэлэрин кытта куйаар ситиминэн билсиэххитин сөп, “Проза”: https://rutube.ru/plst/580844; “Поэзия” https://rutube.ru/plst/580959.
“Күһүҥҥү киһи күлбүтүнэн” күрэс тиэмэтэ: “Дьиэ кэргэн – сир аһыгар”, “Дьиэ кэргэн оҕуруота”. Бастыҥ үлэлэринэн быыстапка тэриллэн, хас биирдии хаартыска үтүөнү, дьоллоох түгэннэри, дьиэ кэргэн сылааһын, дьарыктарын сырдатта, дьон-сэргэ сэҥээриитин ылла.
Барыта Сунтаар улууһун нэһилиэктэриттэн 46 үлэ киирдэ. Дьүүллүүр сүбэҕэ үлэлээтилэр Афанасьева О.Ф., А.П.Павлов аатынан Сунтаар орто оскуолатын учуутала, Тимофеева Л.А., Портнягина А.П., Сунтаардааҕы кииннэммит бибилэтиэкэ ситимин үлэһиттэрэ.
Күрэс түмүгүнэн “Дьиэ кэргэн – сир аһыгар” тиэмэтигэр:
1 миэстэ-Тихоновтар (Уһун Күөл)
2 миэстэ-Николаевтар (Куокуну)
3 миэстэ-Ивановтар (Кутана)
“Дьиэ кэргэн оҕуруота” тиэмэтигэр:
1 миэстэ-Калачиковтар (Сунтаар)
2 миэстэ-Ивановтар (Сунтаар)
3 миэстэ-Коротовтар (Сунтаар) ыллылар.
Биһирэбил бириистэри туттулар Федоровтар (Түбэй), Васильевтар, Павловтар (Дьаархан), Степановтар (Куокуну), Николаев Тимур (Тойбохой), Васильевтар (Кириэстээх).
Күрэххэ киирбит үлэлэр: https://disk.yandex.ru/d/ImUkPsINjrtdqw
Күрэс кыайыылаахтарыгар Сунтаардааҕы кииннэммит бибилэтиэкэ ситимин дириэктэри солбуйааччы А.А.Львов үөрүүлээх быһыыга-майгыга туттарда, бары кыттааччылар туоһу суруктар туттулар. Бириистэри Сунтаар улууһун култууратын уонна айылгытын салалтата туруорда. Тэрийээччилэр ааттарыттан бары кыттааччыларбытыгар улахан махталбытын тириэрдэбит.
Тэрийэр сүбэ
