Доруобуйаларынан хааччахтаах дьон аан дойдутааҕы күннэрэ сыллата ахсынньы 3-13 күннэригэр бэлиэтэнэр. Ол курдук, ахсынньы 9 күнүгэр Л.А.Попов аатынан Сунтаар киин бибилиотекаҕа Сунтаардааҕы доруобуйаларынан хааччахтаах уопсастыбалары кытта (Сал. Максимова Н.И.) “Кыһын саха сириттэн саҕаланар” өрөспүүбүлүкэ үрдүнэн ыытыллар бэстибээл чэрчитинэн оҕолорго анаан «Дойдум алыптаах эйгэтэ» диэн интеллектуальнай оонньуу буолла. Оонньуу «Государственнай символлар», “Төрүт култуура”, «Айылҕа», «Устуоруйа» түһүмэхтэртэн турар. Оҕолор тута өйдөөн сөптөөх эппиэттэри биэрэн бастакы миэстэни Алексеева Уруйдаана, иккис миэстэни Генеров Дамир, үһүс миэстэни Алексеев Эрхан ылан добун суруктарынан уонна өйдөбүнньүк бириистэринэн наҕараадаланнылар. Маннык тэрээһиннэр оҕоҕо ордук өйдөрүгэр-санааларыгар хатаныа диэн бүк эрэллээхпит.
