«Ньургуһун» литературнай түмсүү чилиэнэ, «Туллукчаан» оҕо уһуйаанын иитээччитэ, Варвара Егоровна Максимова -Тырымнаайы «Ыллыыр ырыам» диэн саҥа хоһооннорун хомуурунньуга сүрэхтэннэ. Хомуурунньукка араас сылларга суруллубут төрөөбүт дойдутугар, култууратыгар анаммыт хоһоонноро киирдилэр.
Үтүө күн түһүлгэтигэр кыттыыны ыллылар Сунтаар улууһун култууратын уонна айылгытын салалтатын салайааччыта Саргылана Омукова, «Туллукчаан» оҕо уһуйаанын кэлэктиибэ, Сунтаар улууһун «Ньургуһун» литературнай түмсүүтүн чилиэттэрэ, Варвара Егоровна-Тырымнаайы дьиэ кэргэнэ, бииргэ үөрэммит дьүөгэлэрэ, чугас аймахтара уонна биирдиилээн сэҥээрээччи ыалдьыттар. Бу дьоро күҥҥэ Тырымнаайы «Ийэм алгыһынан» хоһоонун, «Остуол оонньуулара» ырыатын бэлэх ууннулар «Туллукчаан» иитиллээччилэрэ уонна үлэһиттэрэ, маны сэргэ Елена Антонова-Күн Сиккиэрэ Варвара Егоровна саҥа кинигэтигэр бэрт интэриэһинэй ырытыыны суруйбутун билиһиннэрдэ.
Бүгүҥҥү бэлиэ күҥҥэ Варвара Егоровнаҕа-Тырымнаайыга элбэх үтүө санаалар, эҕэрдэ тыллар этилиннилэр. Бу курдук Тырымнаайы олоххо дьоҕурун таба тайанан, ааҕыыны, кинигэни өрө тута сылдьар сирдьит буоларгынан киэн туттабыт.
Кинигэ сүрэхтэниитин түмүгэр ыалдьыттарга сэргэх биктэриинэ ыытылынна.
Суруйда ааҕааччыны кытта үлэлиир салаа кылаабынай бибилэтиэкэрэ Мария Алексеева
