Сунтаарга, муус устар 16 күнүгэр, Сэргэй Сибиэрэп — Кыыл Уола аатынан кииҥҥэ Улуу Кыайыы 80 сылын көрсө улахан тэрээһиҥҥэ бэлэмнэнии үлэтин чэрчитинэн үүнэр көлүөнэҕэ тиэрдэр сыаллаах «Биһиги умнубаппыт. Мы помним…» диэн улуустааҕы научнай-практическай конференция V-с төгүлүн ыытылынна.
Тэрээһин аһыллыытын кырачаан ааҕааччыбыт Айсаана Иванова «Отмените войну» диэн киһини уйадытар ырыанан саҕалаата. Салгыы Сунтаар улууһун Аҕа баһылыгын имиджевай уонна социальнай политикаҕа солбуйааччыта Гаврил Михайлович Еремеев эҕэрдэ тылын эттэ уонна Украинаҕа анал байыаннай дьайыы кыттыылааҕа уоппускаҕа кэлэ сылдьар Василий Федоровка улуус Аҕа баһылыга Анатолий Григорьевтан махтал сурук уонна саха быһаҕын туттарбытын конференция кыттыылаахтара дохсун ытыс тыаһынан көрүстүлэр. Василий Федоров бу кыттыыта тэрээһин суолтатын үрдэттэ.
Ону тэҥэ Сунтаар улууһун кииннэммит библиотечнай ситим дириэктэрэ Изабелла Ивановна Жиркова кэмпириэнсийэ кыттыылаахтарыгар эҕэрдэтин уонна ситиһиилэри баҕарда.
Бу күн үлэ 5-с секцияннан буолла.
Секцияларга дьүүллүүр сүбэҕэ үлэлээтилэр:
Бастакы секцияҕа «Кэмпэндээйи 8-с нүөмэрдээх хаайыыта: чахчылар, хаайыыны ааспыт дьон дьылҕалара»:
— Дьүүллүүр сүбэ бэрэссэдээтэлэ Сунтаар улууһун култууратын уонна айылгытын салалтатын салайааччыта Саргылана Дмитриевна Омукова;
— Сунтаар улууһун үөрэҕириитин иһинэн үлэлиир кыраайы үөрэтэр түмэл сэбиэдиссэйэ Альбина Григорьевна Иванова;
— Сунтаар улууһун участковайдарын уонна сокуоннай саастарын ситэ илик оҕолору кытта үлэлиир отдел салайааччыта Сардаана Ионовна Евсеева.
Иккис секцияҕа “Аҕа дойду Улуу сэриитин буойуннара: сураҕа суох сүппүттэр, сэрии толоонугар охтубуттар, Кыайыы өрөгөйүн билбит сэрии бэтэрээннэрэ”:
— Дьүүллүүр сүбэ бэрэссэдээтэлэ Сунтаар улууһун социальнай уонна имиджевай политикаҕа баһылыгы солбуйааччы Гаврил Михайлович Еремеев;
— Сунтаар улууһун бэтэрээннэрин сэбиэтин бэрэссэдээтэлэ Афанасий Кириллович Васильев;
— Сунтаардааҕы гимназия учуутала, «Ньургуһун» литературнай түмсүү салайааччыта Августина Николаевна Попова.
Үһүс секцияҕа “Бары күүһү фроҥҥа: тыыл үлэһиттэрэ, сэрии оҕолоро”:
— Дьүүллүүр сүбэ бэрэссэдээтэлэ Надежда Родионова аатынан оҕо дьоҕурун сайыннарар киин сэбиэдиссэйэ Ангелина Владимировна Антонова;
— С. А. Зверев-Кыыл Уола аатынан улуустааҕы норуот айымньытын киинин сэбиэдиссэйэ Мария Афанасьевна Тараярова;
— Сунтаар улууһун социальнай харалта салайааччыта Михаил Федорович Тимофеев.
Төрдүс секцияҕа «Сунтаардар Ийэ дойду көмүскэлигэр: Афганистан, Чечня, Сирия сэриилэрин уонна Украинаҕа анал байыаннай дьайыы кыттыылаахтара»:
— Сунтаар улууһун аҕалар сүбэлэрин сэбиэтин бэрэссэдээтэлэ Борис Михайлович Уларов;
— Сунтаар улууһун саллааттар ийэлэрин түмсүүтүн бэрэссэдээтэлэ Галина Николаевна Лидочен;
— Сунтаар улууһун военнай комиссариат директора Игорь Семенович Данилов.
Бэһис секция «Мин нэһилиэгим – Аҕа дойду сэриитин кэмигэр» (инсценировкалар):
— “Партизан” Сунтаар нэһилиэгин норуот айымньытын киинин директора Юрий Дмитриевич О;
— Владимир Николаев аатынан норуот театрын режиссера Татьяна Никитична Заровняева;
— Сунтаардааҕы оҕо искусствотын оскуолатын директора Алексей Константинович Степанов.
Муус устар 15 күнүгэр «Мин нэһилиэгим Аҕа дойду сэриитин кэмигэр» диэн видеокиинэ, буктрейлер кэтэхтэн көрүү күрэһи Мира Афанасьева, Сунтаар сонуннара» хаһыат кэрэспэдьиэн бэрэссэдээтэллээх, киин библиотекаттан Мария Иванова, Мария Томская састааптаах дьүүллүүр сүбэ үгүс элбэх үлэни көрдүлэр.
