Ыам ыйын 24 күнүгэр Сунтаар нэһилиэгин Ленин болуоссатыгар -Л.А.Попов аатынан Сунтаардааҕы киин бибилэтиэкэ аһаҕас халлаан анныгар «Ааһан иһэн ааҕан аас» диэн аахсыйаны тэрийэн ыытта. Быйыл Сунтаар улууһугар 2025 сыл РСФСР култууратын үтүөлээх үлэһитэ, СССР суруйааччыларын сойууһун чилиэнэ, Саха АССР искусстволарын үтүөлээх диэйэтэлэ, Үлэ Кыһыл знамя уордьанын икки төгүллээх кавалера, Сунтаар улууһун Бочуоттаах олохтооҕо, норуот ырыаһыта *Сергей Афанасьевич Зверев-Кыыл Уола* быйыл төрөөбүтэ *125 сылын* биллэриллибитэ. Ол чэрчитинэн С.А.Зверев-Кыыл Уола «Айхал эйиэхэ аар тайҕа» олоҥхо тойугун нэһилиэк олохтоохторо аахтылар. Бу аахсыйаҕа элбэх ааҕааччы көхтөөхтүк кытынна, ол курдук Сунтаар улууһун култууратын уонна айылгытын салалтатын салайааччыта Саргылана Дмитриевна Омукова, Сунтаар улууһа (оройуона) муниципальнай тэриллии экономическай управлениетын салайааччыта Ия Александровна Ефремова , Сунтаар улууһугар ыччат политикатын салайааччыта Трофим Иванова, Сунтаардааҕы ДЮСШ директора Владимир Данилов уонна биирдиилээн нэһилиэк олохтоохторо. Үгэскэ кубулуйбут аахсыйаҕа нэһилиэк олохтоохторо көхтөөхтүк кытталлара биһигини-бибилэтиэкэ үлэһиттэрин үөрдэр.
Суруйда Л.А.Попов аатынан Сунтаардааҕы киин бибилэтиэкэ ааҕар саалатын кылаабынай бибилэтиэкэрэ Мария Алексеева
