Олунньу 24 күнүгэр Л.А.Попов аатынан Сунтаар киин бибилэтиэкэҕэ Сунтаардааҕы доруобуйаларынан хааччахтаах уопсастыбалары кытта “Служу России” Аҕа дойдуну көмүскээччилэрин күннэрин уонна Кыайыы 80 сылын чэрчитинэн интеллектуальнай оонньуу буолла. Оонньуу «Даты», “Вклад в победу”, «Служу России», «Ребусы», «СВО» түһүмэхтэртэн турар. Кыттааччылар тута өйдөөн сөптөөх эппиэттэри биэрэн бастакы миэстэни «Сэбиэскэй армия», иккис миэстэни «Кыһыл армия», үһүс миэстэни «Военно-морской флот» ыллылар уонна өйдөбүнньүк бириистэринэн наҕараадаланнылар. Инникитин маннык тэрээһиннэри өссө да ыытылла турдуннар диэн баҕа санааларын эттилэр. Бу курдук, күннээҕи түбүктэн аралдьыйан, бэйэ-бэйэни кытта алтыһан биир ураты, көхтөөх күн буолан аастаҕа.
Күндү эр дьоммутун
Дьоллоох-саргылаах буолун,
үөрэ-көтө сылдьын!
Эстибэт сэниэлээх
Уҕарыйбат уохтаах
Уйадыйбат эттээх
Тилэҕэр тирэхтээх
Өттүгэр күүстээх
Эрбэҕэр эрчимнээх
Эрэллээх эркиннэрбитин
Хорсун хотойдорбутун
Аҕа дойдуну көмүскээччилэр күннэринэн эҕэрдэ!
Ааҕааччыны кытта үлэлиир салаа сэбиэдиссэйэ Елена Федорова
